| e-texts navigator |
| Wylie |
85b1 གསོལ་བར་འཚལ།། དེ་ནས་དེ་བཞིན་གཤེགས་པ་ཐམས་ཅད་ཀྱིས།། བྱང་ཆུབ་སེམས་དཔའ་དེ་རྣམས་ལ་འདི་སྐད་ཅེས་དཀའ་སྩལ་ཏོ།། གང་ཞིག་སྦས་པའི་ཚིག
85b2 རྒྱུད་དེ། དེ་དག་ཐམས་ཅད་འདྲི་འདོད་པ།། སེམས་དཔའ་ཆེན་པོ་ལེགས་སོ་ལེགས།། ཡོན་ཏན་འབྱུང་གནས་ལེགས་སོ་ལེགས།། དེ་ནས་བྱང་ཆུབ་དཔའ་ཀུན།།
85b3 རབ་ཏུ་དགའ་བའི་མིག་དངས་ཏེ།། ཡང་དང་ཡང་དུ་ཕྱག་འཚལ་ནས། འདི་ཡི་སོམ་ཉི་ཞུས་པར་གྱུར། གསང་བ་ཞེས་འདི་གང་ལ་བགྱི།། འདུས་པ་ཞེས་ནི་གང
85b4 ལ་བརྗོད།། རྒྱུད་ཀྱི་འགྲེལ་པ་ཇི་ལྟ་བུ།། རྣལ་འབྱོར་རྒྱུད་ཞེས་གང་ལ་བགྱི།། རིགས་ནི་རྣམ་པ་དུ་རུ་བཤད།། དེ་བཞིན་གསང་བ་རྣམ་པ་དུ།། གསང་ཆེན་ཞེས་ནི
85b5 གང་ལ་བགྱི།། བྱང་ཆུབ་སེམས་ཞེས་གང་ལ་བགྱི།། དེ་བཞིན་རིག་པའི་སྐྱེས་བུ་ཅི།། བཛྲ་དྷུ་ག་ཅེས་ཅི་ལ་བགྱི།། དེ་བཞིན་ཛི་ན་དྷྲྀ་ག་ནི་གང་།། དེ་ལ་རད་ན་དྷི་ཀ་ནི་དང་།
85b6 གང་།། དེ་བཞིན་ཨ་རོ་ལིག་ནི་ཅི།། པྲད་ཛཱ་དྷིག་ཅེས་གང་ལ་བགྱི།། རིགས་འདིར་དེ་བཞིན་གང་ཞིག་ལགས།། མོ་ཧ་ཞེས་ནི་གང་ལ་བགྱི།། དྷེ་ཤ་ཞེས་བྱ་འདིར
85b7 གང་ལགས།། རག་ཞེས་ནི་གང་ལ་བགྱི།། བཛྲ་སྔགས་ནི་གང་ལ་བགྱི།། ར་ཏི་ཞེས་ནི་གང་ལ་བགྱི།། ཕུན་སུམ་ཆོག་པ་གང་ཞིག་ལགས།། པ་ལན་ཏ་ཀྲིད
85b8 དོན་ནི་གང་།། དེ་བཞིན་དྲང་ཛཱཿཀྲིད་གྱི།། དད་མེ་ཏ་ཀྲིད་མིང་ཇི་ལྟམ། དེ་བཞིན་བྷིནྡ་ཏ་ཀྲིད་ཅེ།། ཀུན་དུ་སྤྱང་ལ་གང་ཞིག་ལགས།། དེ་བཞིན་སྔགས་ཀྱི་སྤྱོད་པ་གང་།
iiif viewer powered by OpenSeadragon
