| e-texts navigator |
| Wylie |
85a1 ཀྱེ་གསང་བ་བསྟན་པ་ལ་དངོས་པོ་ཐམས་ཅད་ཇི་ལྟ་བ་དང་། དུས་ཇི་ལྟ་བཞིན་དུ་མཐོང་ཞིང་ཐོས་པ། ཁོང་དུ་ཆུད་ནས་ཆོས་གཟིགས་པ་ལྡན་པའི་དེ་བཞིན་གཤེགས།
85a2 བ་དེ་དག་ཐམས་ཅད་ལ་འདི་སྐད་གསོལ་ཏོ།། ཨེ་མ་ཧོ། ཀུན་དུ་བཟང་པོ་ཡི། སྐུ་གསུང་ཐུགས་ཀྱི་ངེས་པ་དག། རྡོ་རྗེ་གསུམ་གྱིས་ཀུན་དུ་ནི། རྡོ་རྗེ་གསུམ་ལ་ཀུན་དུ་ཞུགས། སེམས
85a3 ཅན་ཐམས་ཅད་དུས་གསུམ་གྱི། རྡོ་རྗེའི་ངོ་བོར་ཡང་དག་བྱུང་།། སངས་རྒྱས་རྡོ་རྗེ་རྫུ་འཕྲུལ་ཆེ།། བྱང་ཆུབ་རྡོ་རྗེའི་གནས་ཐོབ་པའོ།། ཨེ་མ་ཧོ་འདི་རབ་ངོ་མཚར་ཆེ། ཨེ་མ་ཧོ
85a4 ཞི་བའི་དབང་པོ་འདས།། ཨེ་མ་ཧོ་འཁོར་བ་དག་གི་རྒྱུན།། ཨེ་མ་ཧོ་མཆོག་ཏུ་མྱ་ངན་འདས།། དེ་ནས་དེ་བཞིན་གཤེགས་པ་ཐམས་ཅད་ཀྱིས། བྱང་ཆུབ་སེམས་དཔའ་སེམས
85a5 དཔའ་ཆེན་པོ་དེ་རྣམས་ལ་འདི་སྐད་ཅེས་བཀའ་སྩལ་ཏོ།། བྱང་ཆུབ་སེམས་དཔའ་དེ་དེ་བཞིན་ནོ།། སེམས་དཔའ་ཆེན་པོ་དེ་དེ་བཞིན་ནོ།། དེ་ནས་བྱང་ཆུབ་སེམས་དཔའ
85a6 སེམས་དཔའ་ཆེན་པོ་དེ་དག་ཐམས་ཅད་ཡང་འདུས་པར་གྱུར་ནས། དེ་བཞིན་གཤེགས་པ་ཐམས་ཅད་ལ་གསང་བ་དང་། ཕྱིའི་མཆོད་པ་རྣམས་ཀྱིས་ཡང་དག་པར་མཆོག
85a7 ནས་ཕྱ་བ་བྱས་ཏེ་མགྲིན་གཅིག་ཏུ་འདི་སྐད་གསོལ་ཏོ།། ཨེ་མ་ཧོ་ཤིན་དུ་རྙེད་དཀའ་བ་། བྱང་ཆུབ་བསྒྲུབ་པའི་ཐབས་འདི་ཡིན། རྒྱུད་ཀྱི་ཕྱི་མའི་ཕྱི་མར་གྱུར།། གས
85a8 བ་འདུས་པ་ཞེས་བྱ་བྱའི་རྒྱུད།། སྦས་པ་དེ་ནི་རྟོགས་ཕྱིར་དང་།། སེམས་ཅན་རྣམས་ལ་ཕན་འདོད་པས།། ཡང་དག་གསང་བ་གང་བཤད་པས།། མགོན་པོ་ཁྱོད་ལ
iiif viewer powered by OpenSeadragon
