| e-texts navigator |
| Wylie |
381a1 སྐྱེ་བ་ཐམས་ཅད་དུ་བྱད་བཞིན་སྡུག་ཅིང་། མི་རྣམས་ཀྱི་མཆོག་ཏུ་འགྱུར་རོ།། ཚེ་འདི་ལ་ལམ་དཀར།།
381a2 ཁྲོན་པ་བརྐོས་ནས་བསྐྱེད་ཤིང་བཙུགས་ཏེ་གྲིབ་མས་མང་པོ་ཀུན་ལ་བསྒྲིབས་པར་མངོན་པར་དགའ་བ་གང་ཡིན་པ་དེ་ནི། སྐྱེས་པ་ཐམས་ཅད་དུ་མིའི
381a3 རྒྱལ་པོ་བྱེད་ཅིང་རོ་རྒྱ་དང་ལྡན་པའི་བཟའ་བ་དང་། བཏུང་བ་བསམ་པ་ཙམ་གྱིས་འབྱོར་པར་འགྱུར་རོ།། ཚེ་འདི་ལ་མདོ་སྡེ་བྲིས་ཏེ། དག་ཞན
381a4 དག་ལ་བྱིན་ནས་ཀློག་ཏུ་བཅུག་པ་ལ་མངོན་པར་དགའ་བ་གང་ཡིན་པ་དེ་ནི། སྐྱེས་པ་ཐམས་ཅད་དུ་ངག་གི་སྤོབས་པ་མང་པོ་དང་ལྡན་པ་དང
381a5 ཆོས་གང་བསླབས་པ་ལ་ལན་ཅིག་ཐོས་པ་ཙམ་གྱིས་གོ་བར་འགྱུར་བ་དང་། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བྱིན་གྱིས་བསློབ་ཅིང
381a6 ཡོངས་སུ་བསྲུང་བ་དང་། རྟག་པར་མིའི་ནང་ན་མཆོག་དམ་པ་གཙོ་བོ་བྱེད་པར་འགྱུར་རོ།། ཚེ་འདི་ལ་ཟམས་པ་དང་། གྲུ་གཟིངས་བཅས་ནས་སྐྱེ་བོ་མང
381a7 པོ་འདོན་པར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་རིན་པོ་ཆེ་སྣ་བདུན་ཕུན་སུམ་ཚོགས་པ་དང་། སྐྱེ་བོ་མང་པོ་ཀུན་གྱིས་བཀུར་ཞིང་བསྔག་པ་བརྗོད་ནས།
381a8 མངོན་པར་དགའ་བ་དང་། ཕན་ཚུན་འགྲོ་ཞིང་འོང་བའི་ཚེ་མང་པོ་ཀུན་གྱི་བསྙེན་བཀུར་དང་། རིམ་འགྲོ་བར་འགྱུ་རོ།། བཅོམ་ལྡན་འདས་ཀྱིས་བཀའ་སྩལ་པཏུ་དགའ་བོ་ངས་ཇི
iiif viewer powered by OpenSeadragon
