| e-texts navigator |
| Wylie |
367a1 ཡང་སྙིང་རྗེ་དང་ལྡན་ལ། བུ་ཡང་སྲིད་བཞུ་ཆེ་ཞིང་མདོ་སྡེ་དང་། གཙུག་ལག་གི་དོན་གླེང་བར་བགྱིད་ལ། ཁ་ཅིག་ནི་པོ་ནུ་བོ་སོ་སོར་བྱེ་ནས་འཐབ་ཅིང
367a2 རྩོད་པར་གྱིད་པ་དང་། ཁ་ཅིག་ནི་ཁང་ཁྱིམ་དང་རྩིགས་ནས། འབྱོར་པ་སྣ་ཚོགས་དང་ལྡན་ལ། ཁ་ཅིག་ནི་ཁང་ཁྱིམ་མ་མཆིས་པས། གཞན་དག་ལ་རྟེན་པ་དང་། ཁ་ཅིག་ནི།
367a3 བྱ་འདབ་ཆགས་བཞིན་དུ་ཤིང་དང་ཐང་ལ་གནས་པ་དང་། ཁ་ཅིག་ནི་གཅན་ཟན་གྱི་རྣམ་པ་དང་། མཚུངས་ཤིང་སྲུ་འགོས་དང་། ལྡན་ལ་ཟས་སུ་རྩ་འཚལ་ཞིང་ཁྲག་འཐུང་བ
367a4 དང་། ཁ་ཅིག་ནི་ཡི་གེ་མ་འཚལ་བ་དང་། ཁ་ཅིག་ནི་ཅི་ཡང་མ་བགྱིས་པར་བདེ་བའི་རྣམ་པར་སྨིན་པ་མྱོང་བར་འགྱུར་ལ། ཁ་ཅིག་ནི་སྲ་བ་བགྱིད་པའི་གནས་ཀྱང་མི་རྙེད་པ་དང་།
367a5 ཁ་ཅིག་ནི་དབང་པོ་གསལ་བས་ཤེས་རབ་དང་ལྡན་ལ། ཁ་ཅིག་ནི་དབང་པོ་མི་གསལ་བས་ཤེས་རབ་དང་མི་ལྡན་པ་དང་། ཁ་ཅིག་ནི་བརྩལ་ན་གདོད་ཐོབ་པར་འགྱུར་ལ།
367a6 ཁ་ཅིག་ནི་མ་བཙམ་པར་ཡང་རྙེད་པར་འགྱུར་བ་དང་། ཁ་ཅིག་ནི་ཕྱག་ཀྱང་སེར་སྣ་ཆེ་ལ། ཁ་ཅིག་ནི་དབུལ་པོར་གྱུར་ཀྱང་གཏོང་བ་ལ་དགའ་བ་དང་། ཁ་ཅིག་ནི་ཚིག
367a7 སྦས་པ་རྣམས་གཉེན་ཤིང་དེས་ལ། ཁ་ཅིག་ནི་ཚིག་སྦས་པ་རྣམས་གཏུམ་ཞིང་བརླང་བ་དང་། ཁ་ཅིག་ནི་མང་པོ་ཀུན་གྱིས་བཀུར་ཞིང་སྙིང་དུ་སྡུག་པར་འགྱུར་ལ།
367a8 ཁ་ཅིག་ནི་མང་པོ་ཀུན་གྱི་ཐག་རིང་དུ་སྤོང་བ་བགྱིད་པ་དང་། ཁ་ཅིག་ནི་བྱམས་པའི་སེམས་ཀྱིས་སྲོག་ཆགས་གསོ་བར་བགྱིད་ལ། ཁ་ཅིག་ནི་སྲོག་ཆགས་དཔག་ཏུ
iiif viewer powered by OpenSeadragon
