| e-texts navigator |
| Wylie |
358b1 གཙུག་ལག་ཁང་དེར་འདུས་དེ་དཔྱིད་ཟླ་ཐ་ཆུང་ཚེས་བཅོ་ལྔའི་ནུབ་མོ་གསོ་སྦྱོང་བྱས་ནས། གཅིག་ལ་གཅིག་འདི་སྐད་དུ། ཡུ་བུ་ཅན་རྣམས་སྔོན་བག་མེད་པར་གྱུར་ནས། མཁས་པ།
358b2 ཆོས་དང་མཐུན་པ་རྣམས་ལ་དབང་ཟས་པའི་རྒྱུས། ད་ལྟར་ཁྱིམ་པ་རྣམས་ཀྱིས་ཀྱང་བཅིས་ལ་ཡང་མེད་པར་བྱས་ཏེ། ད་ནི་འཚོ་བ་ཡང་མི་འབྱོར་ན། ང་ཕྱིན་ཅད་གང་དུ་འདོད་།།
358b3 ཐབས་ནི་གང་གིས་འཚོ་བར་བྱ་ཞེས་སྨྲ་སྟེ། དེའི་ཐམས་ཅད་ཀྱིས་ཆོ་དེ་ཆེན་པོས་འདེབས་པར་འགྱུར་རོ།། དེ་ནས་དེའི་ཚེ་བདེ་བར་གཤེགས་པའི་བསྟན་པ་བསྲུང་བའི་ལྷ། བཅོམ
358b4 ལྡན་འདས་ཀྱིས་བྱས་པ་བཟོ་བ་ཐམས་ཅད་ཀྱང་གཙུག་ལག་ཁང་དེར་འདུས་ཏེ། གཅིག་ལ་ཅིག་ལྟ་ཞིང་འདི་སྐད་དུ། བདེ་བར་གཤེགས་པའི་བསྟན་པ་ནི་རིང་པོར་མི་གནས་སོ།།
358b5 ཡུལ་ས་འདི་ཡང་སྟོང་པར་འགྱུར་རོ།། ཞེས་མྱ་ངན་བྱེད་ཅིང་དུ་བར་འགྱུར་རོ།། དེའི་ཚེ་དགེ་སློང་དེ་དག་འདི་སྙམ་དུ་སེམས་ཏེ། ཡུལ་འདི་ན་ནི་འཚོ་བ་མི་འབྱོར་པས། ཡུལ་འདིར
358b6 བོར་ཏེ་ཡུལ་གཞན་དུ་འགྲོ་བར་བྱའོ།། སྙམ་དུ་སེམས་མཐུན་པར་འགྱུར་ནས། གང་དུ་འདོང་བར་བྱ་ཞེས་གྲོས་བྱས་ཏེ། ཡུལ་ཉེ་བར་གཞན་ནི་དད་པ་མེད་པ་དེ་དག་གི་གང་། རྒྱ་ཡུལ་དུ
358b7 འདོང་དུ་ནི་ལ་མི་ཐར་པས། བོད་ཀྱི་ཡུལ་ན་དཀོན་མཆོག་གསུམ་མཆོད་གནས་སུ་བྱེད་ཅིང་གྲགས་པས་དེར་འདོང་བར་བྱས་ཉི་མ་འདི་ལ་འདོང་ངོ་།། ཞེས་དུས་བཏབ་ནས་དེའི་ནུབ་མོ་གཙུག
358b8 ལག་ཁང་ཚར་མར་ཞག་གོ།། ནམ་ལངས་པ་དང་། བུད་མེད་དད་པ་ཅན་ཞིག་གིས་དགེ་སློང་ཐམས་ཅད་གདན་ནུང་ལ་སྤྱན་དྲངས་སོ།། དེ་ནས་འགན་དེ་བརྡུངས་ནས། དགེ་འདུན་སྤྱི་གཙུག
iiif viewer powered by OpenSeadragon
