| e-texts navigator |
| Wylie |
358a1 ། @#། ཡང་འབྱུང་བར་འགྱུར་རོ།། དེའི་ཚེ་སེམས་ཅན་རྣམས་ནང་མི་མཐུན་པར་འགྱུར་ཞིང་། དུས་ཚིགས་ཀྱང་འཚལ་བར་འགྱུར་རོ།། དེ་ལྟར་ན་ཡུལ་གང་ང།
358a2 གང་དུ་ཆོས་ལུགས་ལོགས་པ་བྱེད་པ་དེར་ནི། གནོད་པ་དེ་དག་འབྱུང་བར་འགྱུར་རོ།། དེའི་ཚེ་ལི་ཡུལ་ལ་སོགས་པར་རྒྱལ་པོ་དང་། བློན་པོ་ལ་སོགས་པ་ཡང་རབ་ལས་ཀྱང་། དཀོན
358a3 མཆོག་ལ་སྙིང་ཐག་པ་ནས་དད་པ་འགའ་ཙམ་ལས་མི་འབྱུང་ན། ཕལ་ལས་ལྷ་མོས་ཀྱང་ཅིང་དགོས་ཏེ། རྒྱུ་དེ་ལྟ་བུས་ན་ལི་ཡུལ་ལ་སོགས་པའི། དཀོན་མཆོག་གསུམ་པོ་མཆོད
358a4 གནས་ཐམས་ཅད་དུ་རྨུ་མེད་པར་འགྱུར་རོ།། དེ་ནས་ལི་ཡུལ་ལ་སོགས་པར་དགེ་སློང་གི་གནས་སྔོན་རྒྱལ་པོ་ལ་སོགས་པ་དད་པ་ཅན་གྱིས་བྱས་པ་ཡང་། བློན་པོ་ལས་བསགས
358a5 པ་དད་པ་མེད་པ་རྣམས་ཀྱིས་བཙན་འཕྲོགས་སུ་ཕྲོགས་ནས། བདག་ཉིད་གནས་པར་བྱེད་དོ།། དགེ་སློང་རྣམས་ཀྱང་འཁྱམས་ནས་འཚོ་བ་དང་། ཆོས་གོས་དང་། གནས་འཕོད
358a6 བར་འགྱུར་རོ།། བློན་པོ་ལོགས་པ་དད་པ་མེད་པ་རྣམ་བློན་པོ་ལ་སོགས་པ་དེ་དག་གིས། དགེ་སློང་གི་ཞིང་ཆུ་དང་། རྒུན་ལ་སོགས་པ། ཡོ་བྱད་རྣམས་ཀྱང་བཙན་ཐབས་འཕྲོགས་པར་བྱེད།
358a7 ལྷ་འཕངས་དང་། ནང་གཡོག་རྣམས་ཀྱང་དགེ་སློང་གི་ངག་མི་ཉན་ཅིང་། གཉིའུ་རེངས་བྱེད་པར་འགྱུར་རོ།། དེ་ནས་དགེ་སློང་རྣམས་ཀྱི་ཀྱང་དེ་ལྟ་བུར་གྱུར་པར་ཤེས་ནས། ཡི་མུག
358a8 སྟེ་ལི་ཡུལ་གྱི་དགེ་སློང་རྣམས་ཕན་ཚུན་ཅིག་ལ་འདི་སྐད་དུ། ཡུམ་བུ་རྣམས་གཙུག་ལག་ཁང་ཚར་མ་ཞེས་བྱ་བ། དང་པོ་ཆོས་འབྱུང་བའི་གནས་དེར་འདུའོ་ཞེས་སྦྲན་ནས།
iiif viewer powered by OpenSeadragon
