| e-texts navigator |
| Wylie |
357a1 གིས་འཇིག་པར་འགྱུར་ལགས། དེ་ནས་མཁན་པོས་བཀའ་སྩལ་པ། བུ་ཁྱོད་ཀྱིས་ལི་ཡུལ་ལ་སོགས་པའི་སྐྱེ་བོ་མང་པོའི་དོན་དང་། བདེ་བར་གཤེགས
357a2 པའི་བསྟན་པ་ཡུན་རིང་དུ་གནས་པར་བྱ་བའི་ཕྱིར། ཐེ་ཙོམ་དྲིས་པ་མ་ཉེས་ཀྱིས་ཉོན་ལེགས་པར་ཡིད་ལ་བཟུང་ཤིག་དང་། ལི་ཡུལ་ལ་སོགས་པའི་བསྟན་པ་ཇི་སྲིད་དུ་གནས་པ་དང་།
357a3 ནམ་འཇིག་པ་དང་། རྐྱེན་གང་གིས་འཇིག་པར་འགྱུར་བ་ངས་སོ་སོར་ལུང་བསྟན་པར་བྱའོ།། བཅོམ་ལྡན་འདས་ཤཱཀྱ་ཐུབ་པའི་བསྟན་པ་ནི། བཅོམ་ལྡན་འདས་མྱ་ངན་ལས་འདའ་ནས་ལོ
357a4 སྟོང་ལྔ་བརྒྱ་ལོན་པ་དང་། ཡུལ་ཡུལ་དུ་དང་པ་མེད་པ་རྣམས་འབྱུང་ཞིང་། དམ་པའི་ཆོས་འཇིག་ཏུ་རྒོལ་ལོ།། དེའི་ཚེ་ལི་ཡུལ་འདིར་དད་པ་མེད་པའི་རྒྱལ་པོ་ཡང་འབྱུང་བར་འགྱུར
357a5 ཞིང་། ཡུལ་ཡང་རྒྱལ་པོ་ཕན་ཚུན་རྟོད་ཅིང་འཕྲོག་པར་འགྱུར་ཏེ། དེ་ཕྱིན་ཆད་ནི་ཡུལ་ཡང་ཉིན་ཅིག་བཞིན་དུ་ཉམས་པར་འགྱུར། གྲོང་དང་བཙུག་ལག་ཁང་ལ་སོགས་པ་ཡང་ཕལ
357a6 ཆེར་སྟོང་པར་འགྱུར། མི་རྣམས་ཀྱང་ཉིན་ཅིག་བཞིན་དུ་ཕྱིར་ཞིང་དཀོན་མཆོག་གསུམ་ལ་དད་པ་འབྲི་བར་འགྱུར་རོ།། རྒྱུ་དེས་ན་དཀོན་མཆོག་གསུམ་དང་། ཆོས་སྨྲ་བ་དང་།
357a7 བསམ་གཏན་པ་རྣམ་ཀྱང་མཆོད་གནས་སུ་མི་བྱེད་ཅིང་། མུ་གཏོགས་ཀྱི་རྒྱལ་པོ་དང་། བློན་པོ་དང་། ཡུལ་འཛིན་པ་དང་། ཁྱིམ་བདག་རྣམས་ཀྱང་ཆོས་དང་མི་མཐུན་པའི་ཕྱོགས།
357a8 འཛིན་ཅིང་། དགེ་བཅུའི་ལས་ཀྱི་ལམ་ཡལ་བར་འདོར་བར་འགྱུར་རོ།། ཆོས་དང་འཐུན་པར་མ་ཡིན་པ་དང་། མི་རྟག་པ་དང་། བབ་གཅོལ་གྱི་ལོངས་སྤྱོད་ཀྱང་གསྩོགས་པར
iiif viewer powered by OpenSeadragon
