| e-texts navigator |
| Wylie |
355b1 དེའི་སེམས་བསམ་གཏན་ལ་དམིགས་པར་འགྱུར་བ་དང་། སངས་རྒྱས་བཅོམ་ལྡན་འདས་རྣམས་ལ་སྨོན་པ་དང་། དགའ་བ་དང་། ཡིད་དགའ་བ་དང་། ཡིད་ལུས་ལ་བསྐྱེད་པ་དང།
355b2 དེ་ལ་རབ་ཏུ་སྤྱོད་པ་མི་འབྱུང་བ་དང་། ཅི་ལྟར་ཐོས་པའི་ཆོས་རྣམས་ཀྱི་དོན་རྒྱ་ཆེར་ཤེས་པར་འགྱུར་བ་དང་། ཞི་གནས་ཐོབ་པ་དང་། ལྷག་མཐོང་ཐོབ་པ་སྟེ། བཅུ་པོ་དེ་དག
355b3 ནི་དགོན་པ་ལ་གནས་པའི་ཕན་ཡོན་ནོ།། བསོད་སྙོམས་པའི་ཕན་ཡོན་བཅུ་སྟེ། དེ་འགྲོ་བ་ལ་གོམས་པར་འགྱུར་བ་དང་། དེ་སྤྱོད་ཡུལ་གོམས་པར་འགྱུར་བ་དང་། དེང་རྒྱལ
355b4 བཅོམ་པར་འགྱུར་བ་དང་། བདག་རྙེད་པ་ལ་སྦྱོར་བ་དང་། གཞན་དག་ཀྱང་བསོད་ནམས་ལ་རབ་ཏུ་དགོད་པ་དང་། སྟོན་པའི་བསྟན་པ་ཡོངསུ་སྟོན་པ་དང་། ཕྱིའི་མིའི་སྐྱེ་བོ་ལ
355b5 སྣང་བར་བྱས་པར་འགྱུར་བ་དང་། ཚངས་པ་ཚུངས་པར་སྤྱོད་པ་རྣམས་ལ་ཉམས་ང་བ་མེད་པར་འགྱུར་བ་དང་། དམ་པའི་སེམས་ཉེ་བར་གཞག་པར་འགྱུར་བ་དང་། བསོད
355b6 སྙོམས་ཀྱི་ཡོངསུ་དུལ་བའི་དགེ་སློང་ཕྱོགས་ལ་མུན་པ་མེད་པར་སྣང་བའོ།། འཇིགས་པ་མེད་པའི་ཕན་ཡོན་བཅུ་སྟེ། བཅུ་གང་ཞེ་ན། འཇིགས་པ་མེད་པར་གྲོང་དུ་འཇུག་པ་དང་།
355b7 འཇིགས་པ་མེད་པར་གྲོང་ནས་འབྱུང་བ་དང་། འཇིགས་པ་མེད་པའི་ཁྱིམ་རྣམས་སུ་འགྲོ་བ་དང་། འཇིགས་པ་མེད་པར་འཁོར་ལ་ཆོས་སྟོན་པ་དང་། འཇིགས་པ་མེད་པར་དགེ
355b8 འདུན་གྱིས་ནང་དུ་འཇུག་པ་དང་། འཇིགས་པ་མེད་པར་སློབ་དཔོན་དང་མཁན་པོའི་དྲུང་དུ་འགྲོ་བ་དང་། འཇིགས་པ་མེད་པར་བྱམས་པའི་སེམས་ཀྱིས་སློབ་པའི་གན་དུ་འགྲོ་བ་དང་།
iiif viewer powered by OpenSeadragon
