| e-texts navigator |
| Wylie |
330b1 དམྱལ་བ་ཆེན་པོ་བརྒྱད་པོ་འདི་དག་འདའ་བར་ཀ་ཞིང་། ཡང་དག་པར་འདའ་བར་དཀའ་བ་ཡིན་ཏེ། དེས་ན་འདའ་བར་བཀའ་བ་ཞེས་བྱའོ།། བརླང་བའི་ལས་བྱས
330b2 རྣམས་ཀྱིས་གང་ཞེས་བྱ་བ་ནི། ཤེན་པ་ནས་གནོད་བྱེད་ཀྱི་བར་དེ་དག་བརླང་བའི་ལས་རྣམས་ཤེས་བྱའོ།། དེས་ན་དམྱལ་བ་བརྒྱད་པོ་འདི་དག་ནི། འདའ་བར་དཀའ་བར
330b3 བསྟན་པ་སྟེ། བརླང་བའི་ལས་བྱས་རྣམས་ཀྱིས་གང་ཞེས་བྱའོ།། རེ་རེ་འཁོར་ནི་བཅུ་དྲུག་ཡོད་དེ། ཅེས་བྱ་བ་ནི་སེམས་ཅན་དམྱལ་བ་ཆེན་པོ་མནར་མེད་པའི་ཤར་ཕྱོགས་ན
330b4 ལྷགས་པའི་འཁོར་བཞི་ཡོད་དེ། རོ་མྱགས་པ་དང་། ཕྱི་སའི་འདམ་དང་ལོ་མ་རལ་གྲི་ལྟ་བུའི་ཚལ་དང་། ལྕགས་ཀྱི་ཤིང་ཤལ་མ་ལིའི་ཚལ་དང་། ཆུ་རླུང་རབ་མེད་ཅེས
330b5 བྱ་བ་རྣམས་སོ།། ཤར་ཕྱོགས་ཇི་ལྟ་བ་དེ་བཞིན་དུ་ལྷོ་དང་། ནུབ་དང་། བྱང་ཕྱོགས་ཀྱང་དེ་བཞིན་ནོ།། སེམས་ཅན་དམྱལ་བ་ཆེན་པོ་མནར་མེད་པ་ན། ཇི་ལྟ་བ་དེ་བཞིན
330b6 ད་སེམས་ཅན་དམྱལ་བ་ཆེན་པོ་ཡང་སོས་ཀྱི་བར་དུ་ཡང་དེ་བཞིན་ཏེ། དེས་ན་རེ་རིའི་འཁོར་ནི་བཅུ་དྲུག་ཡོད་ཅེས་བྱའོ།། ཆ་བཞི་ཞེས་བྱ་བ་ནི་སེམས་ཅན་དམྱལ་བ་ཆེན་པོ
330b7 མནར་མེད་པ་ལ་ཆ་བཞི་ཡོད་དེ། ཤར་དང་། ལྷོ་དང་ནུབ་དང་། བྱང་ཕྱོགས་ཀྱི་ཆའོ།། མནར་མེད་པ་ལ་ཇི་ལྟ་བ་བཞིན་དུ། ཡང་སོས་ཀྱིས་བར་དུ་ཡང་དེ་བཞིན
330b8 ཏེ། དེས་ན་ཆ་བཞི་ཞེས་བྱའོ།། སྒོ་བཞི་ཞེས་བྱ་བ་ནི་སེམས་ཅན་དམྱལ་བ་ཆེན་པོ་མནར་མེད་པ་ལ། སེམས་ཅན་དམྱལ་བའི་སྒོ་བཞི་ཡོད་དེ། ཤར་དང་། ལྷོ་དང་།
iiif viewer powered by OpenSeadragon
