| e-texts navigator |
| Wylie |
330a1 ལམ་རྣམས་ཏེ། སྲོག་གཅོད་པ་ནས་ལོག་པར་ལྟ་བའི་བར་དག་གོ། ཤེས་བྱ་བ་ནི། ཡང་དག་པར་བླངས་ཏེ་འདུག་ཅེས་བྱ་བ་ཡིན་ནོ།། མི་རིགས
330a2 འཚོ་བའི་མི་རྣམས་ཀྱིས་ཤེས་བྱ་བ་ལ་མི་རིགས་པས་འཚོ་བ་ཞེས་བྱ་བ་ནི། ཤེན་པ་དང་བྱ་གག་འཚོང་བ་དང་། འཕག་འཚོང་བ་དང་། བྱ་བ་དང་རི་བོང་རྒྱས་ཤོར་བ་དང་།
330a3 ཉ་བ་དང་། རི་དགས་ཀྱི་རྔོན་པ་དང་། ཆོམ་རྐུན་དང་། གཤེད་མ་དང་། བ་ལང་བསོད་པ་དང་། སྦྲུལ་ཚོགས་ཅན་དང་། བརྩོན་བསྲུངས་དང་། ཕྲ་མ་ཅན་དང་། གནོད
330a4 བྱེད་དང་། དེ་ལ་སོགས་པ་གཞན་ཡང་གང་ཟག་གང་ཡིན་པ་དེ་དག་ཅེས་བྱས་པའི་བར་དུ་རྒྱས་པར་བྱའོ།། འགྲོ་བ་ཕྱི་མ་གང་ཡིན་པ་ཞེས་བྱ་བ་ནི་མི་རིགས་པ་བྱེད་པ་དང་།
330a5 མི་རིགས་པས་འཚོ་བ་གང་ཡིན་པ་དེ་དག་ཡང་དག་པར་བླངས་པ་དེ་ལྟ་བུ་དང་། ཡང་དག་པར་སྤྱད་པ་དེ་ལྟ་བུའི་ལས་དེས་ན། སེམས་ཅན་དམྱལ་བ་ཆེན་པོ་བརྒྱད་པོ་དག
330a6 ཏུ་སྐྱེ་བར་འགྱུར་རོ།། དམྱལ་བ་བརྒྱད་པ་འདི་དག་ནི་ཞེས་བྱ་བ་ནི། ཡང་སོས་ནས་བཟུང་སྟེ། མནར་མེད་པའི་བར་རབ་ཡང་མནར་མེད་པ་ནས་བཟུང་སྟེ། ཡང་སོས་ཀྱི་བར
330a7 དག་གོ། དེས་ན་དམྱལ་བ་བརྒྱད་པོ་འདི་དག་གོ་ཞེས་བྱའོ།། བསྟན་བ་ཅེས་བྱ་བ་ནི་སངས་རྒྱས་རྣམས་དང་། སངས་རྒྱས་ཀྱི་ཉན་ཐོས་རྣམས་དང་། དམ་པ་རྣམས་དང་།
330a8 ཡང་དག་པ་ཞུགས་པ་རྣམས་དང་། སྐྱེས་བུ་དམ་པ་རྣམས་ཀྱིས་ཡང་དག་པར་བསྟན་པ་སྟེ། དེས་ན་བསྟན་ཅེས་བྱའོ།། འདའ་བར་དཀའ་ཞེས་བྱ་བ་ནི། སེམས་ཅན
iiif viewer powered by OpenSeadragon
