| e-texts navigator |
| Wylie |
204b1 གི་སྟོང་དང་། རྟ་ན་རི་སྟོང་དང་། མུ་ཁྱུད་འཛིན་གྱི་སྟོང་དང་། རྣམ་པར་འདུད་ཀྱི་མཚོ་སྟོང་ངོ་།། སྟོང་ཆུང་ངུའི་འཇིག་རྟེན་གྱི་ཁམས་ན། སེམས་དམྱལ་བ་ཆེན་པོ
204b2 བརྒྱད་སྟོང་ཡོད་དེ། སེམས་ཅན་དམྱལ་བ་ཆེན་པོ་ཡང་སོས་སྟོང་དང་། ཐིག་ནག་སྟོང་དང་། བསྡུས་གཞོམ་སྟོང་དང་། ངུ་འབོད་སྟོང་དང་། ངུ་འབོད་ཆེན་པོ་སྟོང
204b3 དང་། ཚ་བ་སྟོང་དང་། རབ་ཏུ་ཚ་བ་སྟོང་དང་། སེམས་ཅན་དམྱལ་བ་གནར་མེད་སྟོང་ངོ་། སྟོང་ཆུང་ངུའི་འཇིག་རྟེན་གྱི་ཁམས་ན། སེམས་ཅན་གྱི་གནས་དགུ་སྟོང
204b4 ཡོད་དེ། སེམས་ཅན་གཟུགས་ཡོད་ལ་ལུས་ཐ་དད་ཅིང་། འདུ་ཤེས་ཐ་དད་པ་དག་ཡོད་དེ། འདི་ལྟ་སྟེ། མི་རྣམས་དང་། ལྷ་ཁ་ཅིག་སྟེ་འདི་ནི་སེམས་ཅན
204b5 གྱི་གནས་དང་པོའོ།། སེམས་ཅན་གཟུགས་ཡོད་ལ་ལུས་ཐ་དད་པ་ལ། འདུ་ཤེས་གཅིག་པ་དག་པ་ཡོད་དེ། འདི་ལྟ་སྟེ། ཚངས་རིས་ཀྱི་ལྷ་དང་པོ་བྱུང་བ་གང
204b6 ཡིན་པ་དེ། འདི་ནི་སེམས་ཅན་གྱི་གནས་གཉིས་པོའོ།། སེམས་ཅན་གྱིས་གཟུགས་ཡོད་པ། ལུས་གཅིག་པ་ལ་འདུ་ཤེས་ཐ་དད་པ་དག་ཡོད་དེ།། འདི་ལྟ་སྟེ།
204b7 འོད་གསལ་གྱི་ལྷ་རྣམས་ཏེ། འདི་ནི་སེམས་ཅན་གྱི་གནས་གསུམ་པོའོ།། སེམས་ཅན་གཟུགས་ཡོད་པ་ལུས་གཅིག་ཅིང་། འདུ་ཤེས་གཅིག་པ་དང་ཡོད་དོ།། །
204b8 འདི་ལྟ་སྟེ། དགེ་རྒྱས་ཀྱི་ལྷ་རྣམས་ཏེ། འདི་ནི་སེམས་ཅན་གྱི་གནས་བཞི་པའོ།། སེམས་ཅན་གཟུགས་ཡོད་པ་འདུ་ཤེས་མེད་ཅིང་འདུ་ཤེས་དང་བྲལ་བ་དག་ཡོན
iiif viewer powered by OpenSeadragon
