| e-texts navigator |
| Wylie |
103a1 པའི་བྱང་ཆུབ་ཏུ་མངོན་པར་རྫོགས་པར་སངས་རྒྱ་བར་འགྱུར་རོ།། ལྷའི་བུས་གསོལ་པ། བཅོམ་ལྡན་འདས
103a2 བདག་གིས་བྱང་ཆུབ་སེམས་དཔའ་འདི་གླ་གི་གྲངས་རྟོགས་པར་རྔོ་མི་ཐོགས་ན། ཇི་སྙེད་ཅིག་མཆིས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ
103a3 ཤ་རིའི་བུ་ལ་བཀའ་སྩལ་པ། ཤ་རིའི་བུ་ཁྲོད་ཀྱི་བྱང་ཆུབ་སེམས་དཔའ་འདི་དག་གི་གྲང་རྟོགས་པར་ནུས་སམ། གསོལ་པ། བཅོམ་ལྡན་འདས
103a4 བདག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གང་སྐར་མི་གཟུགས་དེ་དག་ཐམས་ཅད་ནི་སྐད་ཅིག་ཐང་ཅིག་ཡུད་ཙམ་ཅིག་གིས་བགྲང
103a5 བར་སྤྲོའི།། བཅོམ་ལྡན་འདས་བདག་གིས་བྱང་ཆུབ་སེམས་དཔའ་འདི་དག་ནི་ལོ་བརྒྱར་ཡང་བགྲང་བར་སྤྲོ་བ་མ་ལགས་སོ།། བཅོམ་ལྡན་འདས་ཀྱིས
103a6 བཀའ་སྩལ་པ། ཤ་རིའི་བུ་གལ་ཏེ་འཛམ་བུའི་གླིང་འདི་རྡུལ་ཕྲ་རབ་ཀྱི་རྡུལ་གྱི་གང་བར་གྱུར་ཀྱང་། རྡུལ་ཕྲ་རབ་དེ་དག་བགྲངས་པའི་ཚུལ་གྱིས་མཐའ
103a7 རྟོགས་པར་མི་ནུས་ཏེ། བྱང་ཆུབ་སེམས་དཔའ་འདུས་པ་འདི་དག་ནི་དེ་ཙམ་དུ་ཚད་མེད་དོ།། གསོལ་པ་བཅོམ་ལྡན་འདས་བྱང་ཆུབ་སེམས་དཔའ་འདི
103a8 དག་གང་དུ་བྱང་ཆུབ་མངོན་པར་རྫོགས་པར་འཚང་རྒྱ་བའི་སངས་རྒྱས་ཀྱི་ཞིང་དེ་རྙེད་མཆིས་པར་ག་ལ་འགྱུར། བཅོམ་ལྡན་འདས་ཀྱིས་བཀའ་སྩལ་པ།།
iiif viewer powered by OpenSeadragon
