| e-texts navigator |
| Wylie |
339b1 དག་འདས།། བྱང་ཆུབ་སེམས་ནི་མཚན་ཉིད་ཡིན།། སྲ་བ་མ་ཡིན་འཇམ་པ་མིན།། དྲོ་བ་མ་ཡིན་གྲང་བ་མིན།། དེ་ནི་རེག་མིན་གཟུང་བྱ་མིན།། བྱང་ཆུབ་སེམས་ཀྱི་མཚན
339b2 ཉིད་ཡིན།། རིང་པོ་མ་ཡིན་འཐུང་བ་མིན།། ཟླུམ་པོ་མ་ཡི་གྲུ་གསུམ་མིན།། ཕྲ་བ་མ་ཡིན་སྦོམ་པ་འང་མིན།། བྱང་ཆུབ་སེམས་ཀྱི་མཚན་ཉིད་ཡིན།། བསྒོམ་པ་རྣམས་ལས་རྣམ་འདས
339b3 ཤིང་རྟཿམུ་རྟོགས་རྣམས་ཀྱི་སྤྱོད་ཡུལ་མིན།། ཤེས་རབ་ཕ་རོལ་ཕྱིན་སྦྱོར་བ།། བྱང་ཆུབ་སེམས་ཀྱི་མཚན་ཉིད་ཡིན།། དཔེ་མེད་བསྒོམ་དུ་མེད་པ་དང་།། མཐོང་མིན་གནས་ཀྱི་མཆོག
339b4 གྱུར་ལ།། རང་བཞིན་གྱིས་ནི་རྣམ་དག་པ།། བྱང་ཆུབ་སེམས་ཀྱི་མཚན་ཉིད་ཡིན།། ཐམས་ཅད་དབུ་བ་ལྟ་བུ་སྟེ།། ཆུ་བུར་ལྟ་བུར་སྙིང་པོ་མེད།། རྟག་པ་མ་ཡིན་བདག་མེད་པ།
339b5 སྒྱུ་མ་མིག་རྒྱུ་དག་དང་མཚུངས།། གོང་བུ་བཞིན་དུ་བསྡུས་གྱུར་པ།། སྤྲོས་པ་རྣམས་ཀྱི་ཡོངས་སུ་གང་།། འདོད་ཆགས་ཞེ་སྡང་ལ་སོགས་ལྡན།། དེ་ནི་རྒྱུ་མཚུངས་འབའ
339b6 ཡིན།། ཇི་ལྟར་ནང་ན་ཐིག་ལེ་ནི།། སྐད་ཅིག་དེ་ལ་མི་མངོན་ཏེ།། ཤེས་རབ་ཕ་རོལ་ཕྱིན་མཐོང་ན།། དེ་བཞིན་བློ་ནི་འདུས་མ་བྱས།། རྟག་ཏུ་རྒོད་ཅིང་རྩེ་བ་དང་།། སྨྲ་ཞིང་གླུ་དང
339b7 རོལ་མོ་དང་།། གཞི་ལ་སོགས་པའི་བདེན་པ་རྣམས།། དེ་དག་ཐམས་ཅད་རྨི་ལམ་མཚུངས།། ལུས་ཅན་ཀུན་གྱིས་འདུས་བྱས་པ།། འདི་ཀུན་རྨི་ལམ་དང་མཚུངས་པ།། རྨི་ལམ
339b8 སེམས་ཀྱི་ཀུན་རྟོག་སྟེ།། སེམས་ཀྱང་ན་མཁའ་ལྟ་བུ་ཡིན།། གང་ཞིག་ཚུལ་འདི་རྟག་སྒོམ་པ།། ཤེས་རབ་ཕ་རོལ་ཕྱིན་པའི་ཚུལ།། གང་ཞིག་འདི་ནི་རྟག་སྒོམ་པ།།
iiif viewer powered by OpenSeadragon
