| e-texts navigator |
| Wylie |
339a1 དོན་དམ་དག་ནི་མི་ཤེས་པས།། སྐྱེ་བ་དག་ནི་འགག་འགྱུར་ཞིང་།། སྐྱེ་མེད་འགྲོ་དང་འོང་བར་འགྱུར།། འཇིག་རྟེན་ཆོས་ལ་གནས་པ་ཡི།
339a2 བློན་པོ་འཁོར་ལོ་བཞིན་དུ་འཁོར།། སྡུག་བསྔལ་གནས་ཅན་འཁོར་བ་འདིར།། ཡང་དང་ཡང་དུ་འཁོར་བར་འགྱུར།། ཇི་ལྟར་ཉི་མ་ཟླ་བ་དག། སླར་ཡང་འོང་ཞིང་འགྲོ་བར་བྱེད།།
339a3 དེ་བཞིན་སྲིད་པར་འཕོ་བ་ན།། སླར་ཡང་འོང་ཞིང་འགྲོ་བར་འགྱུར།། འཁོར་བ་ཐམས་ཅད་མི་རྟོག་ཅིང་།། མི་བརྟེན་སྐད་ཅིག་འཇིག་རྟེན་ཉིད།། དེ་བས་དོན་དམ་ཤེས་པ་ཡིས།
339a4 ཀུན་རྫོབ་བདེན་པའི་གནས་སྤངས་།། མཐོ་རིས་གནས་ནས་ལྷ་རྣམས་དང་།། དྲི་ཟ་ལྷ་མིན་རྣམས་ཀྱང་ནི།། ཀུན་ལ་འཕོ་བ་ཡོད་པར་གྱུར།། ཀུན་ཀྱང་ཀུན་རྫོབ་འབྲས་བུ་ཡིན།། གྲུབ
339a5 དང་རིགས་འཛིན་གནོད་སྦྱིན་དང་།། དྲི་ཟ་དང་ནི་ལྟོ་ཕྱེ་རྣམས།། སླར་ཡང་དམྱལ་བར་འགྲོ་འགྱུར་བ།། ཀུན་ཀྱང་ཀུན་རྫོབ་འབྲས་བུ་ཡིན།། གང་ཞིག་བརྩོན་དྲག་ལྷ་རྣམས་དང་།
339a6 ཡོན་ཏན་འབྱུང་གནས་ལ་གནས་གང་།། མཐོ་རིས་ལས་འཕོ་ལྟུང་གྱུར་པ།། ཐམས་ཅད་ཀུན་རྫོབ་འབྲས་བུ་ཡིན།། བརྒྱ་བྱིན་འཁོར་ལོས་བསྒྱུར་ཉིད་དེ།། གང་གིས་དམ
339a7 པའི་གནས་ཐོབ་ནས།། སླར་ཡང་བྱོལ་སོང་སྐྱེ་གནས་འཇུག། ཐམས་ཅད་ཀུན་རྫོར་འབྲས་བུ་ཡིན།། དེ་བས་མཐོ་རིས་ལྷ་རྣམས་ཀྱི།། བདེ་བ་བཟང་པོ་ཀུན་སྤོངས་ལ
339a8 བྱང་ཆུབ་སེམས་ནི་འོད་གསལ་བ།། རྣལ་འབྱོར་པས་ནི་རྟག་ཏུ་སྒོམ།། དངོས་པོ་མེད་ཅིང་དམིགས་སུ་མེད།། ཐམས་ཅད་སྟོང་པ་གནས་མེད་པ།། སྤྲོས་པ་རྣམས་ལས་ཡང
iiif viewer powered by OpenSeadragon
