| e-texts navigator |
| Wylie |
337b1 པ་དང་། རྒྱུམ་དང་། མེད་པ་དང་། ལག་པ་དང་། རྐང་པ་དང་། ཡན་ལག་དང་། ཉིང་ལག་ལ་སོགས་པ་ལུས་ཐམས་ཅད་ཕྱི་དང་ནང་དུ་བཅས་པ་ལ་ནམ།
337b2 པར་བརྟགས་ན་བདག་ཡང་དག་པར་མི་སྣང་ངོ་།། མུ་སྟེགས་པ་རྣམས་ཀྱིས་སྨྲས་པ། ལྷའི་མིག་དང་ལྡན་པ་འགའ་ཞིག་གིས་མཐོང་གི་བདག་གི་རྣམས་ནི་ཤའི་མིག་ཅན་ཡིན
337b3 པས་བདག་ཡང་དག་པར་ཇི་ལྟར་མཐོང་། ཐེག་པ་ཆེན་པོ་པ་རྣམས་སྨྲས་པ། ལྷའི་མིག་དང་ལྡན་པ་རྣམས་ཀྱིས་ཀྱང་མི་མཐོང་སྟེ། གང་ལ་ཁ་དོག་མེད་པ་དང་། གཟུགས
337b4 མེད་པ་དང་། དབྱིབས་མེད་པ་ཇི་ལྟར་མཐོང་བར་འགྱུར། མུ་སྟེགས་པ་རྣམས་ཀྱིས་སྨྲས་པ། ཅི་མེད་པ་ཡིན་ནམ། ཐེག་པ་ཆེན་པོ་པ་རྣམས་ཀྱིས་སྨྲས་པ། མེད་དོ
337b5 ཞེས་བརྗོད་པ་ན། ཡོད་དོ་ཞེས་བརྗོད་པ་ནི་ལོག་པར་སྨྲ་བའོ།། གལ་ཏེ་ལྷ་མེད་ན་ཇི་ལྟར་འདི་མངོན་སུམ་དུ་ཡོད་པ་རྩེ་བ་དང་། རྒོད་པ་དང་། དུ་བ་དང་། རོལ་པ་དང་། ཁྲོ་བ
337b6 དང་ང་རྒྱལ་དང་། ཕྲག་དོག་དང་། ཕྲ་མ་ལ་སོགས་པ་ཀུན་ཏུ་འབྱུང་བར་འགྱུར། དེ་བས་ན་མེད་དོ་ཞེས་བརྗོད་པར་ཡང་མི་ནུས་ཏེ། ཡོད་དམ་མེད་ཅེས་གང་འདི་ལྟར་བརྗོད
337b7 པར་མི་བྱ་སྟེ། ཉེས་པ་འདི་ཡོད་པ་ན། ཡོད་པའོ།། ཞེ་འམ། མེད་པའོ་ཞེས་བརྗོད་པར་མི་བྱའོ།། མུ་སྟེགས་པ་རྣམས་ཀྱིས་སྨྲས་པ། འོ་ན་འདིར་གང་ཞིག་དམིག་པར་འགྱུར།
337b8 ཐེག་པ་ཆེན་པོ་པ་རྣམས་ཀྱིས་སྨྲས་པ། དམིགས་པར་འགྱུར་བ་ནི་ཅི་ཡང་མེད་དོ།། མུ་སྟེགས་པ་རྣམས་ཀྱིས་སྨྲས་པ། ཅིནམ་མཁའ་ལྟར་སྟོང་པ་ཉིད་ཡིན་ནམ། ཐོག
iiif viewer powered by OpenSeadragon
