| e-texts navigator |
| Wylie |
318a1 དེ་ལྟ་བུ་ཡིན་ནོ།། དེའི་ཚེ་དེའི་དུས་ན་རྒྱལ་བུ་དོན་གྲུབ་ཅེས་བྱ་བ་ནི་ད་ལྟར་ང་ཉིད་ཡིན་ནོ།། དེའི་ཚེ་ཡབ་རྒྱལ་པོར་གྱུར་པ་ནི་ད་ལྟར་ངའི་ཡབ་ཟས་གཙང་མ་ཡིན
318a2 ནོ། དེའི་ཚེ་ཡུམ་དུ་གྱུར་པ་ནི། ད་ལྟར་ཡུམ་ལྷ་མཛེས་ཉིད་ཡིན་ནོ།། དེའི་ཚེ་བཙུན་མོར་གྱུར་པ་དེའི་ཚེ་གྲགས་འཛིན་ཉིད་ཡིན་ནོ།། དེའི་ཚེ་དགེ་སློང་ཨ་ཙུ་ཏ་ཞེས་བྱ་བ་ནི་ད་ལྟར་མོའུ
318a3 འགལ་གྱི་བུ་ཆེན་པོ་ཡིན་ནོ།། དེའི་ཚེ་ཆུ་བྱིན་ལྷའི་དབང་པོར་གྱུར་པ་ནི་ད་ལྟར་གྱི་ཤ་རིའི་བུ་ཡིན་ནོ།། དེའི་ཚེ་རྔོན་པ་དེ་ནི་ད་ལྟར་ཀུན་དགའ་བོ་ཁྱོད་ཉིད་ཡིན་ནོ།། དེའི་ཚེ་ཁྱེའུ་ཡ་རི་ཞེས་བྱ་བ
318a4 ནི་ངའི་སྲས་སྒྲ་གཅན་འཛིན་ཡིན་ནོ།། དེའི་ཚེ་བུ་མོར་གྱུར་པ་དེ་ནི་ད་ལྟར་ཡུམ་སྲ་མགོ་ཏ་མ་ཞེས་བྱ་བ་ཡིན་ནོ།། དེའི་ཚེ་བྲམ་ཟེ་སློང་མོ་བ་དེ་ནི་ད་ལྟར་ལྷ་སྤྲིན་ཉིད་ཡིན་ནོ།། དེའི་ཚེ་བྲམ་ཟེའི་ཆུང་མར
318a5 གྱུར་པ་དེ་ནི། ད་ལྟར་བྲམ་ཟེ་མོ་ཙན་ཙམ་ཡིན་ནོ།། དེ་ལྟར་ན་ངས་ཤིན་ཏུ་བྱ་དཀའ་བ་གྲངས་མེད་དཔག་ཏུ་མེད་པ་དགེ་བའི་ལས་བྱས་པ་གྲངས་མེད་དཔག་ཏུ་མེད་དོ།། དེ་བས་ན་མདོ་སྡེ་འདི
318a6 དགེ་སྦྱོང་རྣམས་ལ་རྒྱ་ཆེར་སྟོན་ཅིག། བྱང་ཆུབ་སེམས་དཔའ་སེམས་དཔའ་ཆེན་པོས་སྦྱིན་པ་བྱས་པའི། སྦྱིན་པའི་ཕ་རོལ་ཏུ་ཕྱིན་པ་འདི་ལྟ་བུ་དག་ཡིན་ནོ།། ། འཕགས་པ་རྒྱལ་བུ་དོན
318a7 གྲུབ་ཀྱི་མདོ།། བམ་པོ་གཅིག་པ་རྫོགས་སོ།། ། རྒྱ་གར་སྐད་དུ། གན་དེ་ས་མ་ཡ་མུ་ཏྲ། བོད་སྐད་དུ། འགན་དེའི་དུས་ཀྱི་མདོ།། བཅོམ་ལྡན་འདས་འཇམ་དཔལ
318a8 གཞོན་ནུར་པ་ལ་འཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ནི། བཅོམ་ལྡན་འདས་རྒྱལ་པོའི་ཁབ་ཀྱི་འོད་མའི་ཚལ་བྱ་ཀ་ལན་ཏ་ཀའི་གནས་ན་བཞུགས་ཏེ། དེ་ནས
iiif viewer powered by OpenSeadragon
