| e-texts navigator |
| Wylie |
317b1 པ་དང་འདྲ་བས་ཕྱིར་མི་འདོད་དོ།། ཕོ་ཉ་ཁྱོད་བལ་གྱི་གླང་པོ་ཆེ་འདི་ཞོན་ལ་ཕྱིར་དང་བདག་གིས་ཡུལ་དུ་སོང་ཤིག། ཁྱོད་ཀྱི་རྒྱལ་པོ་འདི་ལྟར་བསུ་ཞིང་སྤྲོ་བའི་ཚིག་སྟེན་པར་སྨྲ་བ
317b2 རབ་ཏུ་དགའ་ཞེས་གསོལ་ཅིག་ཅེས་བགོ་བ་དང་། ཕོ་ཉ་དེ་ཡང་བལ་གྱི་གླང་པོ་ཆེ་ལ་ཞོན་ནས་ཕྱིར་བདག་གི་ཡུལ་དུ་སོང་སྟེ། རྒྱལ་པོ་དེ་བཞིན་དུ་གསོལ་པ་ལས། བལ་གྱི་གླང་པོ
317b3 ཆེའི་རྐྱེན་གྱིས་འཐབ་པའི་དགྲ་ཟླ་དེ་ཊཱིག་ལ་གཅིག་བྱམས་ཤིང་སྡུག་པའི་སེམས་སུ་གྱུར་ཏེ། རྒྱལ་པོ་དང་ཡུལ་མི་ཐམས་ཅད་བླ་ན་མེད་པའི་མཉམ་སྙོམས་པའི་སེམས་བསྐྱེད་པ
317b4 གྱུར་ཏོ།། དེའི་ཚེ་རྒྱལ་པོ་ཡབ་ཀྱང་བལ་གྱི་གླང་པོ་ཆེ་ལ་བཅིབས་ཏེ་རྒྱལ་བུ་བསུས་སོ།། རྒྱལ་བུ་མགོ་དང་གདོང་གིས་ཕྱག་འཚལ་ནས་རྒྱལ་པོའི་ཕྱི་བཞིན་ཕྱིར་ཡུལ་དུ་སོང་སྟེ།
317b5 ཡུལ་མི་ཐམས་ཅད་ཀྱང་དགའ་མགུ་རངས་ནས། མེ་ཏོག་དང་། བདུག་པ་དང་སྤོས་དང་། བ་དན་དང་། རྒྱལ་མཚན་དང་། བླ་རེ་ལ་སོགས་པ་མཆོད་པ་བྱས་པའི་ཕྱིར་བཤམ
317b6 ཏེ། ས་བཞི་ཡང་སྤོས་ཆུས་ཆག་ཆག་བཏབ་ནས་བསྡད་དོ།། རྒྱལ་བུ་ཕོ་བྲང་གི་ནང་དུ་འོངས་ནས་ཡུལ་གྱི་དྲུང་དུ་ཕྱིན་པ་དང་། མགོ་བོས་ཕྱག་བཙལ་ནས་སྤྲོ་བའི་ཚིག་གིས
317b7 སྨན་གསོལ་ཏོ།། དེ་ནས་རྒྱལ་པོས་རིན་པོ་ཆེའི་བང་མཛོད་ཐམས་ཅད་རྒྱལ་བུ་ལ་གཏད་དེ། ཡིད་བཞིན་དུ་སྦྱིན་པ་བྱེད་དུ་བཅུག་ནས་སྔོན་པས་ཀྱང་ལྷག་པར་རྒྱན་མ་ཆད་པར་སྦྱིན
317b8 པ་བྱེད་དུ་བཅུག་ནས་མངོན་པར་སངས་རྒྱས་པའི་བྱང་ཆུབ་ཐོབ་པར་གྱུར་ཏོ།། བཅོམ་ལྡན་འད་ཀྱིས་ཀུན་དགའ་ལ་བཀའ་སྩལ་པ། ངས་སྔོན་སྨིན་པ་བྱས་པའི་མངོན་དུ་དྲན་པ
iiif viewer powered by OpenSeadragon
