| e-texts navigator |
| Wylie |
316b1 བར་ཕ་རོལ་པ་ལ་སྦྱིན་པར་བྱེད་ན། རྒྱལ་པོ་ཆེན་པོ་མི་གཅིག་གིས་ཁ་ཟས་ཙམ་ལ་སེར་སྣ་མཛད་དམ་ཞེས་གསོལ་པ་དང་། རྒྱལ་པོས་ཀྱང་བྲམ་ཟེ་དེ་ལ་ཁ་ཟས་ཀྱིས་ཚིམ་པར་བྱས
316b2 ནས། བྲམ་ཟེ་དེ་ཡང་རབ་ཏུ་དགའ་སྟེ། ཕྱིར་བདག་གི་ཡུལ་དུ་སོང་ངོ་།། དེ་ནས་རྒྱལ་པོས་རྒྱལ་བུ་མགུགས་པའི་ཕོ་ཉ་བཏང་ནས། ཕོ་ཉ་ཡང་དེ་མ་ཐག་ཏུ་ཆས་ཏེ་རྒྱལ་བུ་གང
316b3 ན་བ་དེར་སོང་ངོ་།། དེར་ཕྱིན་པ་དང་། ཆུ་ཞིག་ལ་མ་ཐར་ནས། ཕོ་ཉ་དེས་རྒྱལ་བུ་ཡིད་ལ་བྱས་ཏེ་བསམ་མ་ཐག་ཏུ་ཆུ་དེ་ལས་ཀྱང་ཐར་ནས་རྒྱལ་བུ་གང་ན་བ་དེར་ཕྱིན་ཏེ། རྒྱལ་པོས
316b4 བཀས་རྒྱལ་བུ་སླར་ཡུལ་དུ་གཤེགས་སུ་གསོལ་ཞེས་བསྒོའོ།། རྒྱལ་བུས་ཕོ་ཉ་ལ་སྨྲས་པ། ཐོག་མར་རྒྱལ་པོས་ལོ་བཅུ་གཉིས་ཀྱི་བར་དུ་རི་ལ་འདུག་ཅིག་ཅེས་བསྒོ་སྟེ།། ད་དུང
316b5 ལོ་གཅིག་མ་ཚངས་པས་ལོ་ཚང་ནས་བདག་འགྲོའོ་ཞེས་བསྒོའོ།། དེ་ནས་ཕོ་ཉ་ཡང་ཕྱིར་ལོག་ནས། རྒྱལ་པོ་ལ་དེ་བཞིན་དུ་གསོལ་པ་དང་། རྒྱལ་པོ་ཉིད་ཕྱག་དར་ཏེ་ཡི་གེ་བྲིས་ནས
316b6 ཕྱིར་ཡང་ཕོ་ཉ་ལ་བསྐུར་ཏེ། འདི་སྐད་ཅེས་བསྒོའོ།། ཁྱོད་ནི་མིའི་ནང་ན་མཁས་པ་ཤེས་རབ་ཅན་ཡིན་པས། འགྲོ་བ་ལ་ཡང་བཟོད་ཅིང་འོང་བ་ལ་ཡང་བཟོད་པ་ཡང་ཡིན་ནོ།། །
316b7 ཅིའི་ཕྱིར་ཁྲོས་ཏེ་འོང་དུ་མ་བཏུབ། ཁྱོད་དང་ལྷན་ཅིག་བཟའ་བ་དང་བཏུང་བ་བགོས་ཀྱིས་མྱུར་དུ་ཤོག་ཤིག་ཅེས་ཕོ་ཉས་འགུགས་སུ་བཏང་ངོ་།། དེ་ནས་ཕོ་ཉ་ཡི་གེ་ཐོགས་ཏེ། རྒྱལ
316b8 བུ་གང་ན་བ་དེར་སོང་སྟེ་ཕྱིན་པ་དང་། རྒྱལ་བུ་ལ་ཡི་གེ་ཕུལ་ལོ།། རྒྱལ་བུས་ཡི་གེ་བླངས་ནས། མགོ་བོ་ལ་བཏུགས་ཏེ་ཡི་གེ་ལ་ཕྱག་འཚལ་ནས་ལན་གསུམ་བསྐོར་བ་བྱས་ཏེ།
iiif viewer powered by OpenSeadragon
