| e-texts navigator |
| Wylie |
315b1 ཀྱི་རིན་ཇི་ཙམ་འདོད་ཅེས་དྲིས་ན། བྲམ་ཟེའི་སྒྲ་མ་ཁོམ་པར་བུ་གཉིས་ཀྱིས་འདི་སྐད་ཅེས་གསོལ་ཏོ།། བདག་བུ་ཕོ་ནི་དངུལ་གྱི་དོང་རྗེ་སྟོང་དང་བ་ལང་བརྒྱ་ཞིག་རི། བུ་མོ
315b2 ནི་གསེར་གྱི་དོང་རྩེ་སྟོང་དང་བཞོན་མ་བརྒྱ་རིའོ་ཞེས་གསོལ་པ་དང་། རྒྱལ་པོས་ཁྱེའུ་ལ་འདི་སྐད་ཅེས་སྨྲས་སོ།། འཇིག་རྟེན་ན་ཆོས་ཀྱིས་མིའི་ནང་ན་ཕོ་རིན་པོ་ཆེའི་དབྱིག
315b3 ལྟར་རིན་ཆེ་བ་ཡིན་ན། ཅིའི་ཕྱིར་བུ་ཕོ་ནི་རིན་ཆུང་ལ་བུ་མོ་ནི་རིན་ཆེ་བར་འདེབས། ཁྱེའུ་གསོལ་པ། ཕོ་བྲང་གི་སླས་ལྟ་བུ་རྒྱལ་པོ་དང་ཉེ་བ་ལགས་ལ། མ་རབས་བྲན་མོ
315b4 ལས་སླས་སུ་བཞེངས་ཏེ་དེ་ལ་ནི་ཐུགས་དགེས་པར་བཀུར་བར་མཛད་དེ། རིན་པོ་ཆེའི་གོས་བསྐོན་ཞིང་བཟའ་བ་དང་བཏུང་བ་རོ་བརྒྱ་དང་ལྡན་པ་སྟོབས་ན། སྲས་གཅིག་པུ་ཞིག
315b5 མངའ་བ་རི་ལ་སྤངས་ཏེ་ཉིན་མཚན་ཕོ་བྲང་གི་སླས་དང་རོལ་ཞིང་རོལ་མོ་ལ་ལོངས་སྤྱོད་མཛད་ཀྱང་སྲས་ལ་ཅུང་ཟད་ཙམ་ཡང་དགོངས་པའི་ཐུགས་ཀྱང་མི་མངའ་བས། དེ་བས
315b6 ཕོ་ནི་རིན་ཐང་ཆུང་། མོ་ནི་རིན་ཐང་ཆེ་བར་མངོན་ནོ།། རྒྱལ་པོས་དེ་སྐད་ཅེས་སྨྲས་པའི་ཚིག་ཐོས་ནས་ལྷག་པའི་དགའ་བའི་མྱ་ངན་སྐྱེས་ཏེ། མཆི་མ་བླགས་ནས་འདི་སྐད་ཅེས
315b7 བདག་ནི་རབ་ཏུ་མནོངས་ན། ཁྱོད་ཅིའི་ཕྱིར་ཁོ་བོའི་འཕང་དུ་མི་འོང་ཁྱོད་ང་ལ་མི་དགའ་འམ། འོན་ཏེ་བྲམ་ཟེས་འཇིགས་ཤེས་དྲིས་ན། བྱིས་པ་ན་རེ་བདག་ཅག་ནི་རྒྱལ་པོ་ཆེན་པོ་ལ
315b8 མི་དགའ་བ་འམ། བྲམ་ཟེས་སྐྲག་པ་ཡང་མ་ལགས་ན་ཐོག་མར་རྒྱལ་པོ་ཆེན་པོའི་ཚ་བོ་ལམ་ད་ལྟར་མིའི་བྲན་ཁོལ་དུ་གྱུར་པས། གང་ན་ཡང་མི་བྲན་ཁོལ་རྒྱལ་པོའི་ཕང་དུ་འདུག
iiif viewer powered by OpenSeadragon
