| e-texts navigator |
| Wylie |
314a1 ། མཛེས་པས་ཁྱོད་ཁྱེར་ན་བདག་དགའ་བོ་ཞེས་སྨྲས་སོ།། བྲམ་ཟེས་རྒྱལ་བུ་ལ་སྨྲས་པ། བདག་ནི་བྲམ་ཟེ་མ་ཡིན་ཏེ། བརྒྱ་བྱིན་ལྷའི་དབང་པོ།
314a2 ཡིན་ནོ།། ཆེད་དུ་ཁྱོད་བགམ་པའི་ཕྱིར་འོངས་པ་ཡིན་ནོ།། ཞེས་ཕྱིར་བརྒྱ་བྱིན་གྱི་ལུས་བཟང་པོར་བསྒྱུར་ནས། ཁྱོད་ཅི་དང་ཅིར་སྨོན་ཅེས་སྨྲས་སོ།། དེ་ནས་བཙུན་མོས་གུས
314a3 པར་ཕྱག་འཚལ་ཏེ། སྨོན་ལམ་རྣམ་པ་གསུམ་ཞིག་གསོལ་ཏོ།། གང་ཞེས་ན་གཅིག་ཏུ་ན་བདག་གི་བུ་ཁྲིད་པའི་བྲམ་ཟེ་ཕྱིར་ཡང་བདག་གི་ཡུལ་དུ་སོང་བར་གྱུར་ཅིག། གཉིས
314a4 སུ་ན་བདག་གི་བུ་གཉིས་བཀྲེས་པ་དང་། སྐོམ་པས་སྡུག་བསྔལ་བར་མ་གྱུར་ཅིག། གསུམ་དུ་ན་རྒྱལ་བུ་དང་བདག་ཅག་གཉིས་དང་ཕྱིར་བདག་ཅག་གི་ཡུལ་དུ་མྱུར་དུ་འཁོར་བར
314a5 གྱུར་ཅིག་ཅེས་སྨྲས་པ་དང་། བརྒྱ་བྱིན་ལྷའི་དབང་པོས་ཀྱང་དེ་བཞིན་དུ་སྨོན་ལམ་གྲུབ་པར་གྱུར་ཅེས་སྨྲས་སོ།། རྒྱལ་བུས་སྨྲས་པ། བདག་ནི་སེམས་ཅན་ཐམས་ཅད་སྐྱེ་བ་དང
314a6 རྒ་བ་དང་། ན་བ་དང་། འཆི་བའི་སྡུག་བསྔལ་ལས་བགྲོལ་བར་གྱུར་ཅིག་ཅེས་སྨོན་ལམ་བཏབ་པ་དང་། བརྒྱ་བྱིར་ལྷའི་དབང་པོས་སྨྲས་པ། སྨོན་ལམ་འདི་ནི་ཤིན་དུ་རྒྱ་ཆེ་སྟེ།
314a7 བླན་མེད་པ་ཡིན་ཏེ། གལ་ཏེ་བོ་རིས་སུ་སྐྱེ་ཞིང་ཉི་ཟླ་ལ་དབང་བའི་བདག་པོར་འདོད་དམ། འཇིག་རྟེན་གྱི་ཁམས་ཀྱི་རྒྱལ་པོར་འདོད་དམ། ཚེ་རིང་ཞིང་ཡུན་རིང་དུ་གནས་པར་འདོད་ན་པང།
314a8 གིས་སྦྱིན་ནུས་ཀྱིས། ཁྱོད་ཀྱིས་སྨྲས་པའི་སྨོན་ལམ་ཁམས་གསུམ་ལས་མཆོག་ཏུ་འདས་པ་ཡིན་པས། བདག་གིས་ནུས་པ་མ་ཡིན་ནོ།། རྒྱལ་བུས་སྨྲས་པ། རེ་ཤིག་ཤིན་ཏུ
iiif viewer powered by OpenSeadragon
