| e-texts navigator |
| Wylie |
312b1 སྔོན་རྩེ་བའི་རྫིང་བུ་དང་། ཆུ་ཡང་སྐམས་པར་མཐོང་ནས། ཕྱིར་རྒྱལ་བུ་གང་ན་བ་དེར་སོང་སྟེ། ཕྱིན་པ་དང་རྒྱལ་བུ་ལ་བདག་གི་བུ་གཉིས་ག་རེ་ཞེས་དྲི་ན་རྒྱལ་བུ་ཅང་མི
312b2 སྨྲའོ།། བཙུན་མོས་ཡང་སྨྲས་པ། བདག་ནམ་ཤིང་ཐོག་ཐོགས་ཏེ། ཕྱིར་གནས་སུ་འཁོར་བ་ན་བདག་གི་བུ་གཉིས་རྒྱང་མ་ནས་རྒྱུག་ཅིང་བསུས་ཏེ། བརྡེག་ཅིང་འཆོས་ན
312b3 ཡང་ཕྱིར་ལང་ས་ནས་དཀྱུ་ཞིང་མཆོང་ཞིང་ཨ་མ་འོངས་སོ་ཞེས་འབོད་དོ།། བདག་འདུག་པ་ན་གཉིས་ཀ་གཡས་གཡོན་ན་འདུག་ཅིང་ཕྲག་པ་འམ་ལུས་རྡུལ་གོས
312b4 ན་ཡང་ཕྱི་ཞིང་སྐྲག་ན། ད་བདག་གི་བུ་ག་རེ་མ་མཐོང་ན་གཞན་མ་ཡིན་ནམ། འདི་ལྟ་བུ་མ་མཐོང་བས་སྙིང་གས་པར་གྱུར་གྱིས། བདག་གི་བུ་ག་ལ་འདུག་པ་མྱུར་དུ་སྤྲོས
312b5 ཤིག། བདག་མྱོས་པར་འགྱུར་རོ།། ཞེས་དེ་ལྟར་ལན་གཉིས་ལན་གསུམ་གྱིས་བར་དུ་དྲིས་ཀྱང་མ་སྨྲས་སོ།། བཙུན་མོས་ཡང་སྨྲས་པ། ལྷག་པར་ཡང་སྡུག
312b6 བསྔལ་གྱི་གདུངས་ཏེ། བུ་གཉིས་མ་མཐོང་བ་ཆོད་ཡོད་ན་རྒྱལ་བུས་ལན་མ་སྟེར་བས་ལྷག་མྱོས་ཤིང་འཁྲུགས་པར་གྱུར་ཏོ།། རྒྱལ་བུས་སྤྲས་པ། ཡུལ་ཀེའུ་ལི།
312b7 ཞེས་བྱ་བ་ནས་བྲམ་ཟེ་ཞིག་འོངས་ཏེ། བདག་ལ་བུ་གཉིས་བླངས་པ་ལས་བདག་གིས་བྱིན་ནོ།། བཙུན་མོས་རྒྱལ་བུས་སྤྲས་པ་ཐོས་མ་ཐག་ཏུ་རི་རྡིབས་པ་ལྟར་ས
312b8 ལ་འགྱེལ་ཏེ་འགྲོ་ཞིང་ཆོ་ངེས་བཏབ་བོ།། རྒྱལ་བུས་སྤྲས་པ། རེ་ཞིག་སྡོད་ཅིག། ཁྱོད་སྔོན་འདས་པའི་དུས་ན། སངས་རྒྱས་མར་མེ་མཛད་ཀྱི་ཚེ། དམ་ཇི་ལྟར
iiif viewer powered by OpenSeadragon
