| e-texts navigator |
| Wylie |
312a1 རི་ལ་འདུག་པ་ལས་རྐང་འཐིལ་གཡའ་ཞིང་མིག་གཡོན་པ་ཡང་འགུལ། ནུ་མ་གཉིས་ནས་ནུ་ཞོ་ཡང་རང་ཟག་པར་གྱུར་ནས།། འདི་སྙམ་དུ་འདི
312a2 འདྲ་བའི་ལྟོས་ངན་པ་ལྔ་ནས་མ་བྱུང་ན། བདག་གི་བུ་གཉིས་ལ་ཡེ་འབྲོག་མ་བྱུང་སྙམ་བསམས་ནས། ཤིང་ཐོག་གི་ཅི་ཞིག་བྱ་སྟེ། མྱུར་བར་ཕྱིན་གནས་སུ་འགྲོ་བར་ཆས་སོ།།
312a3 དེའི་ཚེ་སུམ་བཅུ་རྩ་སུམ་ལྷའི་གནས་ཀྱི་ལྷའི་དབང་པོས་རྒྱལ་བུའི་གཞན་ལ་བུ་བྱིན་པར་ཤེས་པས། བཙུན་མོ་དགེ་བའི་བསམ་པའི་སེམས་ཀྱི་བར་ཆད་དུ་དོགས་པས
312a4 སེང་གེ་ཞིག་ཏུ་སྤྲུལ་ཏེ་ལམ་གྱི་སྲང་ན་སྡོད་དོ།། བཙུན་མོས་སེང་གེ་ལ་སྨྲས་པ། ཁྱོད་ནི་གཅན་ཟན་གྱི་རྒྱལ་པོ།། ཁོ་མོ་ནི་མིའི་རྒྱལ་མོ་ཡིན་ཏེ། བདག་ཅག་རི་ལ་འཁོད
312a5 པ་འདྲ་ན། ཅུང་ཟད་ལམ་ལས་བྱོལ་ཏེ་བདག་ཐོང་ཤིག། བདག་ལ་བུ་ཆུང་ངུ་ཤེད་མ་ཕྱེད་པ་གཉིས་ཤིག་ཡོད་དེ། ད་ཙམ་བར་དུ་ཅི་ཡང་མ་ཟོས་བདག་འོང་དུ་རེ་སྟེ་སྡོད་དོ།།
312a6 སེང་གེས་ཀྱང་བྲམ་ཟེ་རྒྱང་རིང་པོ་དུ་ཐལ་བར་ཤེས་ནས་ལམ་ལས་བྱོལ་ཏེ་བཙུན་མོ་བཏང་ངོ་།། བཙུན་མོ་ཕྱིར་གནས་སུ་འོངས་ནས་རྒྱལ་བུ་འབའ་ཤིག་སྣང་གི། བུ་གཉིས
312a7 མ་མཐོང་བས་བདག་ཉིད་འདུག་པའི་སྤྱིལ་པོར་བལྟས་ན་ཡང་བུ་མ་མཐོང་། བུ་ཉིད་འདུག་པའི་སྤྱིལ་པོར་བལྟས་ན་ཡང་མ་མཐོང་སྟེ། དེ་ནས་བུ་རྩེ་བའི་གནས་ཆུ་འགྲམ་དུ
312a8 བཙལ་ན་ཡང་མ་མཐོང་ངོ་།། སྔོན་བུ་དང་རྩེ་བའི་རི་དགས་ཤ་བ་དང་། ཁ་ཤ་དང་གཅན་ཟན་སོང་གེ་དང་སྤྲེའུ་ལ་སོགས་པ་མདུན་ནས་ལུས་ས་ལ་རྡེབས་ཤིང་སྒྲ་འབྱིན་ལ།
iiif viewer powered by OpenSeadragon
