| e-texts navigator |
| Wylie |
311b1 ལག་ཏུ་བཅིངས་པའི་ཐག་པ་བྲམ་ཟེའི་ལག་ཏུ་བྱིན་ཏེ། སྦྲེལ་ཏེ་ཁྲིད་དོ། བུ་གཉིས་ནི་དེ་ལྟར་ཁྲིད་ཀྱང་བགྲོར་མི་བཏུབ་སྟེ། འཐེན་པ་ལས་བྲམ་ཟེས་ལྕགས་ཐོགས་ཏེ་དེད་ནས
311b2 ཞུགས་པའི་ལམ་ཏུ་ཁྲག་བྱུང་བ་ཡང་ས་ལ་ཆལ་པར་གང་ངོ་།། རྒྱལ་བུས་དེ་ལྟར་མཐོང་ནས་མཆི་མ་ས་ལ་བོ་བས་ས་ཡང་ཁོལ་བར་གྱུར་ཏོ།། རྒྱལ་བུ་དང་རི་དགས་དང་གཅན
311b3 ཟན་མང་པོ་ཐམས་ཅད་ཀྱིས་བུ་གཉིས་སྐྱལ་ཏེ། མི་སྣང་བར་གྱུར་པ་དང་། གདོད་ཀུན་གྱིས་ཕྱིར་ལོག་གོ། རི་དགས་དང་གཅན་གཟན་ལ་སོགས་པས་རྒྱལ་བུ་དང་རྩེད་མོ་རྩེ་བའི
311b4 གནས་སུ་ཕྱིན་ནས་སྙིང་རྗེ་བའི་རྐད་བྱུང་སྟེ། ལུས་ས་ལ་བརྡེབས་ཤིང་འགྲོའོ།། བྲམ་ཟེ་དེ་ལམ་དུ་ཞུགས་ཏེ། སོང་བ་ལས། ལམ་ཀར་སྐྱེ་ཤིང་ཅིག་ཡོད་པ་ལ་བུ་གཉིས
311b5 བཏགས་ནས་འདུག་གོ། དེ་ནས་ཆེས་པ་ལས་བུ་མོ་གཉིས་མ་དང་ཕྲད་དུ་རེ་བས་ཤིང་གི་ཕག་ཁྲིས་ཏེ་འགྲོར་མ་བཏུབ་ནས། བྲམ་ཟེས་ཡང་ཞུས་པ་ལས་བུ་གཉིས་ཀྱིས
311b6 འདི་སྐད་ཅེས་སྨྲས་སོ།། བདག་བཅག་ལ་མ་རྡེག་ཤིག་བདག་ཅག་རང་འགྲོའོ།། ཞེས་གནམ་ལ་ཡང་ལྟས་ཏེ་ཡང་འདི་སྐད་ཅེས་སྨྲས་སོ།། རི་སྤྱན་གྱི་ལྷ་དང་། ནག་ཚལ
311b7 ཤིང་གི་ལྷ་རྣམས་བདག་ཅག་ལ་ཅུང་ཟད་ཐུགས་རྩེ་བ་འམ། དགོད་པ་མི་མངའ་འམ། བདག་ཅག་ནི་ལམ་རིང་པོརགཞན་གྱིས་བྲན་ཁོལ་བྱེད་དུ་འགྲོ་སྟེ། མ་དང་།
311b8 བྲལ་གྱུར་ན་བདག་ཅག་གིས་མ་རི་ལ་ཤིང་ཐོག་ཚོལ་ཤིང་སྔར་བཏང་སྟེ། མྱུར་དུ་བདག་ཅག་དང་ངོ་ཕྲད་དུ་ཤོག་ཤེག་ཅེས་མི་དྲན་ནམ་ཞེས་དེ་སྐད་སྨྲས་པ་དང་། བུའི་མ།
iiif viewer powered by OpenSeadragon
