| e-texts navigator |
| Wylie |
310b1 རིང་པོ་ནས་འོངས་ཏེ། ཁྱོད་གཉིས་སློང་ངོ་ཞེས་ཟེར་ནས། ཁོ་བོས་ཀྱང་སྦྱིན་པར་བྱས་ཀྱིས། ཁྱོད་གཉིས་འདིའི་ཕྱི་བཞིན་སོང་ཞིག་ཅེས་སྒོ་བ་དང་། བུ་གཉིས་རྒྱལ་བུའི་མཚན
310b2 དུ་བྲོས་ནས་ངུས་ཏེ་འདི་སྐད་ཅེས་སྨྲས་སོ།། བདག་ཅག་གིས་བྲམ་ཟེ་དུ་མ་མཐོང་ན། འདི་འདྲ་བ་བདག་ཅག་གིས་མ་མཐོང་སྟེ། འདི་ནི་བྲམ་ཟེ་མ་ལགས་ཀྱིས་ཡང་དག་པར་ཡི
310b3 དགས་ལགས་པས། བདག་ཅག་གིས་མ་ཤིང་ཐོག་ཚོལ་དུ་མཆིས་པ་ལས་སླར་མ་འཁོར་བར་བདག་ཅག་གཉིས་ཡི་དགས་འདིའི་ཟས་སུ་སྩལ་ན། གདོན་མི་འཚལ་བར་འགུམ
310b4 མོ།། བདག་ཅག་གི་མ་སླར་མ་མཆིས་ཏེ། བུ་དག་མ་མཇལ་ན་ཇི་ལྟ་བ་དང་། བ་དང་བེའུ་བྲལ་བ་ལྟར་དུ་ཞིང་ཆོ་ངེས་འདེབས་ཏེ་མི་དགའ་བའི་མྱ་ངན་གྱི་གདུངས་པར་འགྱུར་རོ།།
310b5 རྒྱལ་བུ་ལ་བསྒོ་བ། ཁོ་བོས་སྦྱིན་པར་གནང་བས། བསྡད་དུ་མི་རུང་སྟེ་འདི་བྲམ་ཟེ་ཡིན་གྱིས། ཡི་དགས་མ་ཡིན་པས་མི་ཟོད་ཀྱིས་ཁྱོད་གཉིས་འདིའི་ཕྱི་བཞིན་སོང་ཤིག།
310b6 བྲམ་ཟེས་སྨྲས་པ། བདག་ནི་ཆོས་ཏེ་འགྲོའོ།། གལ་ཏེ་བུའི་མཾ་འོངས་ན་འགྲོར་མེད་དེ་མ་བཏང་ན། རྒྱལ་བུས་བདག་ལ་སྦྱིན་པའི་དགེ་བའི་སེམས་ཀྱང་བུའི་མས་བཟློག་ཅིང
310b7 ཉམས་པར་འགྱུར་དུ་དོགས་སོ།། རྒྱལ་བུས་སྨྲས་པ། བདག་གིས་སྦྱིན་པ་ཅི་བྱས་ཀྱང་མཐོང་མ་ནས་ཅི་ལ་ཡང་ཕྱི་འགྱོད་པའི་སེམས་མ་བྱུང་ངོ་།། དེ་ནས་རྒྱལ་བུས་ཆུ་སྣོད་ཐོག
310b8 བྲམ་ཟེའི་ལག་པར་ཆུ་བླུགས་ནས་བུ་གཉིས་ཀྱི་ལག་ནས་བཟུང་ནས། བྲམ་ཟེ་ལ་ཕུལ་ནས་ས་ཡང་རབ་ཏུ་གཡོས་སོ།། བུ་གཉིས་བྲམ་ཟེའི་ཕྱི་བཞིན་མཆི་བར་མ་བཏུབ་ནས་ཕྱིར
iiif viewer powered by OpenSeadragon
