| e-texts navigator |
| Wylie |
310a1 ཏོ།། དེ་ན་བྲམ་ཟེ་རྒྱལ་བུའི་ཐད་དུ་ཕྱིན་པ་དང་། རྒྱལ་བུས་ཀྱང་རྒྱང་མ་ནས་བྲམ་ཟེ་འོངས་པ་མཐོང་ནས། རབ་ཏུ་དགའ་བའི་སེམས་སྐྱེས་ཏེ་བསུས་ནས་གུས
310a2 པར་ཕྱག་བྱས་ཏེ། ཁྱོད་གང་ནས་འོངས་ལམ་དུ་ཉོན་མོངས་ཤིང་ངལ་བར་མ་གྱུར་ཏམ། ཅི་འདོད་ཅེས་སྤྲོ་བའི་གཏམ་བྱས་སོ།། བྲམ་ཟེས་སྨྲས་པ། བདག་ལམ་རིང་པོ་ནས
310a3 འོངས་ཏེ། ལུས་ཐམས་ཅད་རྩེ་ཤིང་ན་ལ་བཀྲེས་སྐོམ་ཞེས་སྨྲས་པ་དང་། རྒྱལ་བུས་ནང་དུ་ཁྲིད་ནས་སྟན་ལ་འདུག་ཏུ་བཅུག་སྟེ། ཤིང་ཐོག་དང་། ཤིང་གི་འབྲས་བུ་དང་། བཏུང
310a4 བའི་སྐོམ་མདུན་དུ་ཕབ་ཏེ། བྲམ་ཟེས་ཀྱང་སྐོམ་འཐུངས། ཤིང་ཐོག་ཟོས་ཏེ། ཐལ་བྱུང་རྒྱལ་པོ་ལ་འདི་སྨྲས་སོ།། བདག་ནི་ཡུལ་ཀེའུ་ལི་ཞེས་བྱ་བའི་ཡུལ་མི་ཡིན་ཏེ། སྔ་ཞིག
310a5 ནས་རྒྱལ་བུ་སྦྱིན་པ་ལ་དགའ་ཞེས་ཕྱོགས་བཅུར་གྲགས་ཤིང་ཐོས་པས་བདག་ནི་དབུལ་འཕོངས་ཏེ། རྒྱལ་བུ་ལ་སློང་དུ་འོང་སོ།། རྒྱལ་བུས་སྨྲས་པ། བདག་ལ་ཡོད་པ་ལས
310a6 ཁྱོད་ལ་མ་བྱིན་ན་ནི་ཆགས་ཤིང་སེར་སྣ་བྱེད་པར་གྱུར། བདག་ལ་ཅི་བདོག་པ་སྔར་ཀུན་བཏང་བས་ན་ད་ནི་ཡང་སྦྱིན་དུ་མེད་དོ།། བྲས་ཟེས་སྨྲས་པ། ད་ལྟར་ནོར་རྫས་སྦྱིན་དུ་མེད་ན།
310a7 ཁྱོད་ཀྱི་བུ་གཉིས་བདག་རྒད་པོ་འཁོལ་བས་བྲན་དུ་བྱིན་ཅིག་ཅེས། དེ་ཉིད་དུ་ལན་གཉིས་ལན་གསུམ་གྱི་བར་དུ་སྨྲས་པ་དང་། རྒྱལ་བུས་ཀྱང་ཁྱོད་ལམ་རིང་པོ་ནས་འོངས་ལ། བདག
310a8 གི་བུ་གཉིས་འདོད་པ་རབ་ཏུ་ལེགས་ཀྱིས་སྦྱིན་ནོ་ཞེས་སྨྲས་པོ།། དེའི་ཚེ་བུ་མིང་སྲིང་གཉིས་རྩེར་སོང་བ་ལས་རྒྱལ་བུས་བོས་ནས། བུ་ལ་འདི་སྐད་ཅེས་བསྒོའོ།། བྲམ་ཟེ་འདི་ལས
iiif viewer powered by OpenSeadragon
