| e-texts navigator |
| Wylie |
309b1 རྒྱལ་པོས་སྨྲས་པ། རྒྱལ་བུ་དོན་གྲུབ་ནི་ད་ལྟར་གཅིག་པུ་རི་ཤིན་དུ་དབེན་པ་ན་གནས་ཏེ།། རབ་ཏུ་དབུལ་ཞིང་ཅི་ཡང་མེད་ན། ཁྱོད་ལ་ཅི་ཞིག་སྦྱིན་དུ་ཡོད། བྲམ་ཟེས།
309b2 སྨྲས་པ། རྒྱལ་བུ་ལ་ཅི་ཡང་མེད་ཀྱང་བདག་ཕྲད་པར་དགའོ་ཞེས་སྨྲས་པ་དང་། རྒྱལ་པོས་ཀྱང་གཞན་ཞིག་ལ་ལམ་སྟོན་ཅིག་ཅེས་བསྒོའོ།། དེ་ནས་བྲམ་ཟེ་དེ་སོང
309b3 སོང་བ་ལས། རི་དན་ཏིག་གི་དྲུང་ན་ཆུ་ཆེན་པོ་ཞིག་ཡོད་པར་ཕྱིན་ནས། རྒྱལ་བུ་འབའ་ཞིག་བསམས་ཤིང་ཡིད་ལ་བྱེད་པས། ཆུའི་ཕ་རོལ་ཏུ་ཕྱིན་པར་གྱུར་ཏོ།། དེ་ནས
309b4 བྲམ་ཟེ་དེ་རི་དེར་ཕྱིན་ནས། ཐོག་མ་སྔོན་པ་དེ་ལ་ཁྱོད་རི་འདི་ལ་རྒྱལ་བུ་དོན་གྲུབ་ཅེས་བྱ་བ་མཐོང་ངམ། རྔོན་པ་དེས་ཀྱང་རྒྱལ་བུ་སྦྱིན་པ་ལ་དགའ་བས་བྲམ་ཟེ་འདི་དག་གི་ཕྱིར།
309b5 རི་ལ་སྤངས་པར་ཤེས་པས་རྔོན་པ་དེས་ཀྱང་བྲམ་ཟེ་བཟུང་ན་ཤིང་ལ་བཅིངས་བརྡེགས་པས་ལུས་ལ་རྨ་ཡང་བྱུང་ངོ་།། སྔོན་པས་སྨྲས་པ། ཁྱོད་རྒྱལ་བུ་དྲིས་ཏེ་ཅི་ཞེས་བྱ། མདས
309b6 འཕངས་ཞེས་བྱ་བ་དང་། བྲམ་ཟེ་དེ་འདི་སྙམ་དུ་ད་ནི་འདིས་བདག་བསད་པ་ཡང་དག་ན་རྫུན་ཞིག་བྱ་སྙམ་དུ་བསམས་ནས། རྔོན་པ་ལ་ཁྱོད་ལ་བདག་དྲི་ནི་ཇི་ཉེས་ཞེས་སྨྲས་སོ།།
309b7 དེ་ནས་རྔོན་པས་འོ་ན་ཞིག་སྨྲ་བར་སེམས་ཞེས་དྲིས་པ་དང་། བྲམ་ཟེས་རྫུན་ཚིག་འདི་སྐད་སྨྲས་སོ།། ཡབ་རྒྱལ་པོ་རྒྱལ་བུ་མཐོང་བར་དགའ་བས། བདག་འདིར་རྒྱལ་བུ་ཕྱིར་འགུགས
309b8 སུ་འོངས་སོ།། ཞེས་སྨྲས་མ་ཐག་ཏུ། རྔོན་པས་ཀྱང་བཀྲོལ་ཏེ་བཏང་ནས་སྔར་མ་གཏོགས་ཏེ་རྒྱུས་མ་ཤེས་སོ་ཞེས་བཟོད་པ་གསོལ་ནས། རྒྱལ་བུ་གང་ན་འདུག་པའི་གནས་བསྟན
iiif viewer powered by OpenSeadragon
