| e-texts navigator |
| Wylie |
309a1 མི་འདོད་དོ།། ཞེས་སྨྲས་པ་དང་། ཁྱོད་ཀྱིས་བདགེ་སློང་དུ་འགྲོ་བར་དད་ན། ཁོ་བོའི་རྒྱགས་དང་གོས་སྦྱོར་ཅིག། ཅེས་བསྒོའོ།། རྡུང
309a2 མས་སྨྲས་པ། ད་སོང་ཤིག་རྒྱགས་ཀྱང་ང་ལ་དགོས་པ་ཡང་མེད་དོ།། ཞེས་སྨྲས་ནས། བྲམ་ཟེ་རྒྱགས་སྦྱར་ཏེ། རྐང་པས་ལམ་དུ་ཞུགས་ཏེ། སོང་ངོ་།། དེ་ནས་བྲམ་ཟེ་དེ
309a3 ཡུལ་ཡ་བ་ཞེས་བྱ་བ་ག་ན་བ་དེར་སོང་སྟེ། དེར་ཕྱིན་པ་དང་རྒྱལ་པོའི་ཕོ་བྲང་སྒོ་བསྲུངས་པ་ལ། རྒྱལ་བུ་དོན་གྲུབ་ད་ལྟར་ག་ན་འདུག་ཅེས་དྲིས་པ་དང་། སྒོ་བསྲུང་བ་དེ་ཕོ་བྲང
309a4 གི་ནང་དུ་སོང་ནས། རྒྱལ་པོ་ལ་ད་ལྟ་ཕྱི་རོལ་ན་བྲམ་ཟེ་ཞིག་རྒྱལ་བུ་དོན་གྲུབ་ག་རེ་ཞེས་འདྲིའོ།། རྒྱལ་པོས་རྒྱལ་བུ་ག་རེ་ཞེས་སྨྲས་པའི་ཚིག་ཐོས་པ་ཙམ་གྱིས་སེམས་འཁྲུག
309a5 ཅིང་ཁྲོས་ནས་འདི་སྙམ་དུ་འདི་འདྲི་བ་ཤི་དག་གི་ཕྱིར་ངའི་སྲས་སྤངས་པར་གྱུར་ན། ད་ཡང་སློང་དུ་འོངས་སམ་སྙམ་བསམས་ནས། དཔེ་འདི་སྐད་ཅེས་བརྗོད་པར་གྱུར་ཏོ།།
309a6 དཔེར་ན་མེ་ནི་རང་བཞིན་གྱིས་ཚ་ཞིང་འབར་བ་ཡིན་ན། དེའི་སྟེང་དུ་ཤིང་བསྣན་པ་དང་འདྲ་སྟེ་བདག་ཀྱང་དེ་ལྟར་མྱ་ངན་གྱིས་གདུངས་ཏེ་མེ་དང་འདྲ་བ་ལས། ང་རྒྱལ་བུ་ག་རེ
309a7 ཞེས་དྲིས་པ་ནི་མེ་ལ་ཤིང་སྣུན་པ་དང་འདྲའོ།། བྲམ་ཟེས་གསོལ་པ། བདག་ནི་ལམ་རིང་པོ་ནས་འོངས་པ་ཡང་རྒྱལ་བུ་རྒྱལ་འཚབ་མིའི་ཡིད་དང་མི་འགལ་བར་སྦྱིན་པ་བགྱིད
309a8 དོ་ཞེས་མིང་སྙན་པ་སྟེ། ཡར་ནི་གནམ་ལ་ཐུག། འོག་ཏུ་ནི་ཆུ་མིག་གི་གཏིང་ལ་ཐུག་གི་བར་དུ་གྲགས་པས། བདག་ལམ་རིང་པོ་ནས་རེ་བ་ཡོད་པས་འོངས་སོ།
iiif viewer powered by OpenSeadragon
