| e-texts navigator |
| Wylie |
308b1 ཆུང་མས་ཁྱོ་ག་དེ་དག་ལ་འདི་སྐད་སྨྲས་སོ།། རྒང་པོའི་མགོ་བོ་ནི་ཤིང་ལ་བ་མོ་ཆགས་པ་ལྟར་སྐྱ་བ་དེ་ནང་ནུབ་ཤི་བར་དགའ་ན། ཤིར་མི་བཏུབ་ན་ཇི་ལྟར་བྱ་ཞེས་ཆུ་སྣོད
308b2 ཐོགས་ནས་ཕྱིར་ཁྱིམས་དུ་འོངས་ཏེ། ཁྱིམ་ཐབ་ལ་འདི་སྐད་ཅེས་སྨྲས་སོ།། བདག་ཆུ་ཆུར་སོང་བ་ལས། ལམ་དུ་ཁྱོ་ག་གཞོན་ནུ་མ་དག་ཅིག་དང་ཕྲད་དེ། དེ་དག་བདག
308b3 ལ་ཆོ་འདྲི་ཞིང་བགད་པས་ཁྱོད་ཀྱི་བཀོལ་བའི་བྲན་ཁོལ་ཚོལ་ཅིག། བདག་བྲན་ཁོལ་ཡོད་ན། ཆུ་ཆུ་མི་དགོས་ཏེ། གཞན་གྱིས་དཔྱས་པར་ཡང་མི་འགྱུར་རོ།། ཁྱིམ
308b4 ཐབ་ཀྱིས་སྨྲས་པ། བདག་ནི་ཤིན་དུ་དབུལ་འཕོངས་པ་ཡིན་ན། བྲན་ཁོལ་ག་ལ་བརྙད་པར་འགྱུར། ཆུང་མས་སྨྲས་པ། གལ་ཏེ་བདག་གི་ཕྱིར་བྲན་ཁོལ་མ་བཙལ་ན།
308b5 བདག་འགྲོ་སྟེ་ཁྱོད་ལྷན་ཅིག་མི་གནས་སོ།། ཆུང་མས་ཡང་འདི་སྐད་ཅེས་སྨྲས་སོ།། ཁོ་མོས་ཐོས་ན་རྒྱལ་བུ་དོན་གྲུབ་སྦྱིན་པ་མ་འོས་པ་བྱིན་པས། ཡབ་རྒྱལ་པོས
308b6 རི་དན་ཏིག་ཅེས་བྱ་བར་སྤངས་ཏེ། རྒྱལ་བུ་དེ་ལ་བུ་ཁྱེའུ་གཅིག་དང་། བུ་མོ་གཅིག་ཡོད་ཅེས་གྲག་གིས་ཁྱོད་དེ་སློང་དུ་སོང་ཤིག། ཁྱིམ་བདག་གིས་སྨྲས་པ། རི་དན
308b7 ཏིག་ཅེས་བྱ་བར་འདི་ནས་དཔག་ཚད་དྲུག་སྟོང་ལྷག་གིས་ལམ་སོ་ཡོད་ལ། སྔོན་མ་ལུང་བགྲོད་ཀྱང་མ་མྱོང་ན། ཇི་ལྟར་བགྲོད་པར་བྱ། ཆུང་མས་སྨྲས་པ། བདག་གི
308b8 ཕྱིར་བྲན་ཁོལ་མ་བཙལ་ན། བདག་བགེགས་ཏེ་ཤིའོ།། ཞེས་སྨྲས་པ་དང་། ཁྱིམ་ཐབས་ཀྱིས་སྨྲས་པ། གཉིས་ན་ཁོ་བོ་ནི་གཅིག་གིས་བསད་ཀྱང་བླའོ།། ཁྱོད་ཤི་བར
iiif viewer powered by OpenSeadragon
