| e-texts navigator |
| Wylie |
308a1 འབྲམ་དག་ཏུ་གཅན་ཟན་ན་མ་དགས་དང་ལྷན་ཅིག་རྩེ་སྟེ། བར་འགའ་ཞག་ལོན་པར་རྩེའོ།། ཕྱིས་དུས་གཞན་ཞིག་ན་སྲས་ཁྱེའུ་པ་རི། རི་དགས
308a2 སེང་གེ་པ་ཞོན་པ་ལ་སེང་གེ་རྒལ་ནས་རྡེག་ཅིང་བསྣུན་པས་སྲས་བུའི་གདོང་པ་ཡང་ཅུང་ཟད་སྡུད་དེ་ཁྲག་བྱུང་བས་སྤྲེའུ་ཞིག། གིས་ཤིང་གིས་ལོ་མ་བླངས་ཏེ་གདོང
308a3 ཁྲག་ཕྱིས་ནས། ཆུ་འགྲམ་དུ་ཁྲིད་དེ་ཁྲག་བཀྲུས་པ་ཡང་རྒྱལ་བུས་རྒྱང་མ་ནས་ཐོང་ངོ་། དེའི་ཚེ་ཡུལ་ཀཽའུ་ལི་ཞེས་བྱ་བ་ན་བྲམ་ཟེ་དབུལ་པོ་ལོ་བཞི་བཅུ་ལོན་ནས་ཆུང་མ
308a4 བླངས་སོ།། རླུང་མ་ནི་རབ་ཏུ་བཟངས་ཤིང་སྡུག་ལ། བྲམ་ཟེ་ཉིད་ནི་རབ་ཏུ་མི་སྡུག་པའི་མཚན་རྫོགས་པ་ཡོད་དོ།། དེའི་ལུས་མདོག་སོལ་བ་ལྟར་གནས་པ། གདོང
308a5 ལ་འབུར་འབུར་པོ་གསུམ་ཡོད་པ། སྣ་འཁྱོར་ཞིང་ཕོ་བ། མིག་གཉིས་ཤེལ་ལྟར་སྔོ་བ། གདོང་གཉེར་མ་ཅན། མཆུ་ཆང་བ། སྨྲ་བའི་སྐད་མི་གཉེན་པ། གསུས
308a6 པ་ཆེ་བ། རྐུ་བ་འབུར་བ། རྐང་པ་གཉིས་གྲོལ་བ། མགོ་ཤུ་བ་ཅན་ལ་སླ་མེད་པ། འདྲེ་ལྟར་མི་སྡུག་པ་ཞིག་སྟེ། རླུང་མས་ཀྱང་མཐོང་མི་འདོད་པ་ཙམ
308a7 དུ་ཤི་ཡང་བླ་ཞེས་རྒྱུན་ཏུ་དམོད་མོ་བྱེད་པ་ཞིག་ཡོད་དོ།། དུས་གཞན་ཞིག་ན་ཆུང་མ་ཆུ་ཆུར་སོང་སོང་བ་ལས། ལམ་དུ་ཁྱོག་གནོ་ནུ་མ་དག་ཅིག་དང་ཕྲད་ནས། ཁྱོ་ག
308a8 རྣམས་ཀྱིས་ཁྱིམ་ཐོབ་ཀྱིས་གཟུགས་འདི་འདྲ་ཞེས་ཆོ་འདྲི་ཞིང་བགད་ནས་ཁྱོད་ནི་དཔེ་མེད་པར་བཟང་ཞིང་སྡུག་ན་ཇི་ལྟར་དེ་འདྲ་བའི་ཆུང་མ་བྱེད་ནུས་ཞེས་སྨྲས་པ་དང་།
iiif viewer powered by OpenSeadragon
