| e-texts navigator |
| Wylie |
307b1 སློང་གི་ནོས་བཞིན་དུ་རྒྱལ་བུའི་སྐ་སྨྲས་ནས་མདུད་པ་བོར་ཏེ། ཟས་སུ་ནི་ཤིང་གི་འབྲས་བུ་ཤིང་ཐོག་ཟ། སྐོམ་དུ་ནི་ཆུ་མིག་འཐུང་ངོ་།། དེ་ནས་རྒྱལ་བུས་ཤིང་རྩ
307b2 བསྡུས་ཏེ། བདག་འདུག་པའི་རྩའི་སྤྱིལ་པོ་ཆུང་ངུ་མ་ཞིག་བྱས། བཙུན་མོ་མན་དེ་དང་མིང་སྲིང་གཉིས་འདུག་པའི་སྐྱིལ་པོ་རེ་རེ་ཡང་བྱས་སོ།། དེའི་ཚེ་ཁྱེའུའི་མིང་ནི་ཡ
307b3 རི་ཞེས་བྱ་བ་སྟེ། ལོ་བདུན་ནས་གོས་ཀྱང་གོན་ནུས་ཏེ་ཕའི་ཕྱི་བཞིན་འགྲོའོ།། བུ་མོའི་མིང་ནི་གེ་མོ་ཡ་ན་ཞེས་བྱ་བ་སྟེ། ལོ་དྲུག་ལོན་ནས་རི་དགས་ཀྱི་ལྤགས་པ་གོན་ཏེ་མའི
307b4 ཕྱི་བཞིན་འགྲོའོ།། རི་དེ་ལ་གནས་པའི་གཅན་ཟན་དང་རི་དགས་དང་འདབ་ཆགས་བྱ་ལ་སོགས་པ་ཐམས་ཅད་ཀྱང་རབ་ཏུ་དགའ་ནས་རྒྱལ་བུ་ལ་བརྟེན་ཅིང་གནས་སོ།།
307b5 རྒྱལ་བུ་རི་དེ་ལ་ཕྱིན་ནས་ཞག་གཅིག་ལོན་པ་དང་། སྔོན་སྐམས་པའི་ཆུ་མིག་དང་རྫིང་ཡང་ཆུས་གང་བར་གྱུར།། སྐྱེ་ཤིང་སྐམས་པ་རྣམས་ཀྱང་ཐམས་ཅད་མེ་ཏོག
307b6 དང་མདབ་མ་སྐྱེས་པར་གྱུར་ཏེ། སྲིན་བུ་བདུག་པ་རྣམས་ཀྱང་མེད་པར་གྱུར་ནས། གཅན་ཟན་ཤ་ཟ་བ་ཡང་སོ་སོ་ནས་རྩ་ཟ་བར་གྱུར། འབྲས་བུའི་ཤིང
307b7 རྣམས་ཀྱང་རྒྱས་ཤིང་བཟང་པོར་གྱུར། སྣ་ཚོགས་ཀྱང་སྙིང་རྗེ་རྗེ་སྐད་ཀྱི་སྒྲ་སྐད་སྙན་པར་འབྱིན་པར་གྱུར་ཏེ། བཙུན་མོ་མན་དེས་ནི་ཤིང་གི་འབྲས་བུ་དང་། ཤིང
307b8 ཏོག་རྔ་ཞིང་རྒྱལ་བུ་ལ་ཕུལ་ཏེ་སྲས་མིང་སྲིང་གཉིས་ཀྱང་བསྙེད་དོ།། ། སྲས་བུ་མིང་སྲིང་གཉིས་ནི་སྐབས་སྐབས་སུ་ཕ་མ་དང་བྲལ་ཏེ། ཧ་ཅང་ཡང་མི་རིང་བའི་ཆུ
iiif viewer powered by OpenSeadragon
