| e-texts navigator |
| Wylie |
306a1 ལམ་རིང་པོར་བགྲོད་པས་རབ་ཏུ་ངལ་ན་ཐལ་བྱུང་འདུག་ཏུ་མི་རུང་ངམ། རྒྱལ་བུས་སྨྲས་པ། ཡབ་རྒྱལ་པོས་བདག་ཅག་ལ་རི་དན་ཏིག་ཏུ་སོང་ཤིག
306a2 ཅེས་བཀའ་སྩལ་ཏེ།། འདིར་འདུག་པར་གྱུར་ན། ཡབ་རྒྱལ་པོས་བཀའ་དང་འགལ་ཏེ།། བུ་སྲི་ཞུ་ཅན་མ་ཡིན་ནོ་ཞེས་གྲོང་ཁྱེར་དེ་ནས་བྱུང་སྟེ་མོད་ལ་སོང་སོ།། དེ་ལྟར་སོང་བ་ལས
306a3 རིང་པོ་མ་ལོན་པར་རི་དན་ཏིག་གི་དྲུང་དུ་ཕྱིན་པ་དང་། རི་དེའི་དྲུང་ཆུ་ཆེན་པོ་ཤིན་ཏུ་ཟབ་པ་རྒལ་ཏུ་མི་ཐར་པ་ཞིག་ཕྲད་དོ།། དེ་ནས་བཙུན་མོས་རྒྱལ་བུ་ལ་རེ་ཤིག་འདིར་སྡུད་དེ།། ཆུ
306a4 ཆེན་པོ་བྲི་ནས་རྒལ་ཏེ་འདོང་ངོ་ཞེས་སྨྲས་པ་དང་། རྒྱལ་བུས་སྨྲས་པ། ཡབ་རྒྱལ་པོས་བདག་ཅག་ལ་རི་དན་ཏིག་ཏུ་སོང་ཤིག་བཀའ་སྩལ་པ། ད་འདིར་འདུག་པར་གྱུར་ན། རྒྱལ
306a5 པོའི་བཀའ་དང་འགལ་ཏེ། བུ་སྲི་ཞུ་ཅན་མ་ཡིན་ནོ་ཞེས་སྨྲས་ནས། རྒྱལ་བུ་དེ་མ་ཐག་ཏུ་བསམ་པའི་སེམས་ཀྱིས་ཏིང་ངེ་འཛིན་དུ་ཞུགས་པ་དང་། མོད་ལ་ཆུའི་ནང་དུ་རི་ཆེན་པོ
306a6 ཞིག་ལྷུང་ནས། ཆུའི་རྒྱུན་ཆད་དོ།། དེ་ནས་རྒྱལ་བུ་དང་བཙུན་མོས་གོས་བརྫེས་ཏེ་ནུ་རྒལ་ནས། ཕ་རོལ་ཏུ་རྒལ་མ་ཐག་ཏུ་རྒྱལ་བུས་ཡང་འདི་སྙམ་དུ་བསམས་སོ།། ཐལ་བྱུང་ས
306a7 བར་གྱུར་ན་ཆུ་འཁྱིལ་བ་འདིས་སེམས་ཅན་མང་དུ་ཤི་སྟེ་གྲོག་སྦུར་མང་པོ་ཆུས་ཁྱེར་བར་འགྱུར་རོ།། སྙམ་བསམས་ནས། རྒྱལ་བུས་ཆུ་ལ་ལྟས་ཏེ་འདི་སྐད་ཅེས་སྨྲས་སོ།། ཆུ་ཁྱོ
306a8 སྔ་མ་ཁོ་ན་བཞིན་དུ་རྒྱུན་དུ་འབབ་པར་གྱུར་ཅིག། གལ་ཏེ་བདག་འདོད་པ་བཞིན་འོངས་ན་ཡང་ཐར་བར་བྱོས་ཤིག་ཅེས་སྨྲས་མ་ཐག་ཏུ་ཆུ་ཡང་སྔ་མ་ཁོ་ན་བཞིན་འབབ་པ
iiif viewer powered by OpenSeadragon
