| e-texts navigator |
| Wylie |
305a1 རྒྱལ་བུ་བསྐུལ་ཏེ། དེ་ནས་འདི་སྐད་ཅེས་གཏམ་དུ་བརྗོད་དོ།། རྒྱལ་བུ་འདི་ནི་ཤིན་དུ་དགེ་བ་ཡུལ་གྱི་ལྷ་གཉེན་ལྟ་བུ་ཡིན་ན། ཅིའི་ཕྱིར
305a2 ཡབ་ཡུམ་གྱིས་སྲས་རིན་པོ་ཆེ་འདི་ལོམ་རིང་དུ་སྤངས་ཤིང་མཐོང་བ་ཐམས་ཅད་ཀྱིས་འཕངས་སོ་ཞེས་སྨྲས་སོ།། དེའི་ཚེ་རྒྱལ་བུ་གྲོང་གི་ཕྱི་རོལ་ཏུ་སྐྱེ་ཤིང་གི་དྲུང་ན
305a3 བདུག་སྟེ་སྐྱེལ་བའི་མི་རྣམས་ལ་འདི་ནས་ཕྱིར་དེང་ཤིག་ཅེས་བསྒོ་བའི་ཚིག་སྨྲས་པ་དང་། སྐྱེལ་བ་ཆེ་ཆུང་ཐམས་ཅད་མཆི་མ་བླགས་ཏེ་ངུས་ནས་ཕྱིར་དོང་ངོ་།། དེ་ནས་རྒྱལ
305a4 བུས་བཙུན་མོ་དང་སྲས་གཉིས་ཤིང་རྟའི་ནང་དུ་བཞག་ནས། རྒྱལ་བུ་ཉིད་ཀྱིས་ཤིང་རྟའི་ཁ་ལོ་བསྒྱུར་ཏེ། སོང་བ་ལས་རྒྱངས་ཆད་པར་ཕྱིན་ཏེ། སྐྱེད་ཤིང་གི་དྲུང་ན་ངལ་སོ
305a5 ཞིང་འདུག་པ་ལས་བྲམ་ཟེ་དག་ཅིག་ལྷགས་ནས། རྒྱལ་བུ་ལ་ཤིང་རྟ་ཁྲིད་པའི་རྟ་བླངས་སོ།། རྒྱལ་བུས་སློང་བ་ལ་རྟ་བྱིན་ནས་སྲས་བུ་གཉིས་ཤིང་རྟའི་ནང་དུ་བཞག་སྟེ།
305a6 བཙུན་མོས་ནི་ཕྱི་ནས་ཕུལ། རྒྱལ་བུས་ནི་མདུན་ནས་དྲངས་ཏེ། རྐང་པས་ཤིང་རྟ་འདྲེན་ཅིང་སོང་བ་ལས། རིང་པོ་མ་ལོན་པ་ཞིག་ན་ཡང་བྲམ་ཟེ་དག་ཅིག་དང་ཕྲད་ནས་ཤིང
305a7 རྟ་བླངས་པ་དང་། རྒྱལ་བུས་ཤིང་རྟ་ཡང་བྲམ་ཟེ་ལ་བྱིན་ནོ།། དེ་ནས་ཡང་སོང་བ་ལས་རིང་པོ་མ་ལོན་པར་ཡང་། བྲམ་ཟེ་སློང་བ་དང་ཕྲད་ནས། རྒྱལ་བུས་དེ་དག་ལ་འདི
305a8 སྐད་ཅེས་སྨྲས་སོ།། གལ་ཏེ་བདག་གིས་ཁྱོད་ལ་བྱིན་ན་ནི་ཆགས་ཤིང་སེར་སྣ་བྱེད་པར་འགྱུར་ན། ད་ནི་བདག་ལ་ནོར་རྫས་ཟད། ཅི་ཡང་མེད་དོ་ཞེས་སྨྲས་པ་དང་། བྲམ་ཟེ
iiif viewer powered by OpenSeadragon
