| e-texts navigator |
| Wylie |
304b1 པར་གསོལ་ལོ།། ཡུམ་གྱིས་རྒྱལ་བུ་འགྲོའོ་ཞེས་སྨྲས་ནས་མཆི་ཕྱག་བྱས་པ་མཐོང་ནས་ལྷག་པར་མྱ་ངན་གྱིས་གདུངས་ཏེ། དྲུང་ན་འདུག་པ་ལ་འདི་སྐད་ཅེས་སྨྲས
304b2 པཁོ་མོའི་ལུས་འདི་ནི་རྡོ་བ་ཡིན་པ་ལྟར་སྙིང་ནི་རྡོ་རྗེ་ཡིན་པ་ལྟ་སྟེ། བདག་གིས་རྒྱལ་པོ་ཆེན་པོའི་རིམ་གྲོ་བྱ་བ་ལ་སྐྱོན་མ་བྱུང་ན། ཁོ་མོའི་བུ་གཅིག་པ་འདི་དང
304b3 བྱེ་བྲལ་ཏེ་འགྲོ་ན་ཅིའི་ཕྱིར་ཁོ་མོའི་སྙིང་འདི་གས་ཏེ། ཤི་བར་མ་གྱུར་བུ་འདི་ཁོ་མོའི་ཁོང་པ་ན་འདུག་པ་འདི། སྐྱེ་ཤིང་གི་འདབ་མ་ལྟར་ཉིན་མཚན་ཆེར་སྐྱེས་ཏེ།
304b4 ད་སྐྱེད་རྫོགས་ནས་ཁོ་མོ་བོར་ཏེ། འགྲོ་བ་ན་བཙུན་མོ་ཐམས་ཅད་ཀྱང་བདག་ལ་སྙིང་ཚིམ་མོ་ཞེས་བརྗོད་ལ། རྒྱལ་པོས་ཀྱང་བཀུར་བར་འགྱུར་ན། གལ་ཏོ་ལྷ་རྣམ
304b5 བདོག་གིས་སྨོན་ལམ་བཞིན་འགལ་བར་མི་མཛད་ན། ཕྱིས་ཡུལ་དུ་བདག་གིས་བུ་མྱུར་དུ་འཁོར་བར་ཤོག་ཅེས་སྨོན་ལམ་བཏབ་པོ།། དེ་ནས་རྒྱལ་བུ་བཙུར
304b6 མོ་དང་སྲས་གཉིས་དང་བཅས་ཏེ་ཡབ་དང་ཡུམ་ལ་ཕྱི་ཕྱག་བྱས་ཏེ་དོང་ངོ་།། དེའི་ཚེ་བཙུན་མོ་ཉི་ཁྲིས་ནི་སོ་སོ་ནས་མུ་ཏིག་གི་ཆུན་པོ་རེ་རེས་རྫང་ངོ་།། བློན་པོ་བཞི
304b7 སྤོང་གིས་ནི་རིན་པོ་ཆེ་སྣ་བདུན་ལས་བྱས་པའི་མེ་ཏོག་པད་མོ་རེ་རེས་རྒྱལ་བུ་ལ་རྫངས་སོ།། དེ་ནས་རྒྱལ་བུ་ཕོ་བྲང་ནས་ཕྱུང་སྟེ། གྲོང་ཁྱེར་གྱི་བྱང་སྐོར་ཕྱིན་ནས
304b8 རིན་པོ་ཆེ་སྣ་བདུན་གྱི་མེ་རྟོག་དང་། དོ་ཤལ་ཡང་རིལ་གྱིས་ཕྱོགས་བཞི་ནས་འདུས་པ་ལ་མ་ལུས་པར་བྱིན་ནོ།། ཡུལ་དེ་ནི་གནས་པའི་མི་མང་པོ་ཁྲི་ཕྲག་དུ་མས
iiif viewer powered by OpenSeadragon
