| e-texts navigator |
| Wylie |
303b1 ཀྱི་བར་དུ་བདེ་སྐྱིད་པ་དང་། ལོངས་སྤྱོད་ཆེ་བར་སྨོན་ལམ་ལེགས་པར་བཏབ་ལ་བདག་ཅག་རི་ལ་ལམ་བསྒོམ་དུ་འདོང་ངོ་།། རྒྱལ་བུས་སྨྲས་པ། བཞིན་བཟངས་མ་རི་ནི
303b2 འཇིགས་པའི་གནས་ཡིན་ཏེ། ཤིན་དུ་བྱ་བཀའ་བ་བསམ་དགོས་ལ་ལ། སེང་གེ་དང་སྟག་ལ་སོགས་གཅན་ཟན་མ་རུང་བ་ཡོད་པས་རབ་ཏུ་འཇིགས་ན་ཁྱོད་ལོངས
303b3 སྤྱོད་ཉུང་བ་ཡིན་པས། ཁྱོད་དེ་ལྟ་བུ་མི་དགའ་བ་ལ་བཟོད་དམ། ཁྱོད་ཕོ་བྲང་གི་ནང་ན་གོས་སུ་ཕྲ་བ་དང་འཇམ་པ་གྱོན། གནས་སུ་ནི་གུར་ཡོལ་བས་བསྐོར་བ་ན
303b4 འདུག། ཟས་སུ་ནི་ཇི་ལ་དགའ་བ་བཞིན་ཞིམ་པ་དང་དངར་བ་ཟ་ན། རི་ལ་ནི་ཏན་ཏུ་ཙ་འདིངས་ཟས་སུ་ནི་འབྲས་བུ་ཟ་ན་ཁྱོད་དེར་མོས་ཤིང་དག་རེ་ཞིག་ཡོད།། དེ་མ
303b5 ཡིན་པ་གཞན་ཡང་རླུང་དང་ཆར་པ་དང་། འབྲུག་དང་། སེར་བ་ཆེ་ཞིང་བ་མོ་དང་། ཟིལ་པས་མིའི་བ་སྤུ་ཡང་ལངས་པ་ཙམ་དུ་གྲངས་པའི་ཚེ་ན་རབ་གྲང་ལ། ཚ་བཱི
303b6 ཚེ་ན་རབ་ཚ་སྟེ། ཤིང་གི་གསེབ་ན་འདུག་པའི་གནས་སུ་ཡང་མི་རུང་ན། ས་ལ་གཟེ་མ་དང་། གཟེག་མ་དང་། རྡོ་བ་ཡང་མང་ཞིང་སྦྲུལ་གདུག་པ་ཡང་ཡོད་ན། ཁྱོད
303b7 དེ་ལྟ་བུ་དག་བཟོད་དམ། མན་དེས་སྨྲས་པ། བདག་ལ་གཉེན་ཞིང་འཇམ་པ་དང་། གུར་ཡོལ་བ་དང་། དངར་བ་དང་ཞིམ་པ་ཇི་ཞིག་བགྱི། རྒྱལ་བུ་དང་བྲལ་ཞིང་སོ་སོ
303b8 མཆི་བ་དག་མི་བཟོད་དེ། ནམ་དུ་ཡང་རྒྱལ་བུ་དང་། མི་འབྲལ་ཞིང་ལྷན་ཅིག་འགྲོགས་པར་དགའོ།། རྒྱལ་པོའི་ཐོག་མར་འགྲོ་བ་ནི་རྒྱལ་མཚན། རླུང་མིའི་ཐོག་མར
iiif viewer powered by OpenSeadragon
