| e-texts navigator |
| Wylie |
302b1 སྔར་ཡབ་རྒྱལ་པོ་དང་དམ་བཅས་པ་ན། སྦྱིན་པ་ཅི་བྱིན་ཡང་ཡིད་དང་མི་འགལ་བར་མཛད་དོ་ཞེས་གསུངས་པས་རྒྱལ་པོ་ལ་མ་ཞུས་པ་ལགས་སོ།། རྒྱལ་པོས
302b2 སྨྲས་པ། སྔར་དམ་བཅས་པ་ནི་ནོར་དབྱིག་དང་། རིན་པོ་ཆེ་ལ་དབང་བར་བྱས་ན། བལ་གྱི་གླང་པོ་ཆེ་ཅིག་གཏོགས།། རྒྱལ་བུས་གསོལ་པ།། དེ་དག་ཐམ
302b3 ཅད་རྒྱལ་པོ་མངའ་བའི་དཀོར་ལགས་ན་ཇིའི་སླད་དུ་འདི་བཀོལ་ཏེ་མ་གཏོགས་ཞེས་གསུང་། རྒྱལ་པོ་རྒྱལ་བུ་རྒྱལ་ཚ་བ་ལ་སྨྲས་པ། ཁྱོད་རི་དན་ཏིག་ཏུ་ལོ
302b4 བཅུ་གཉིས་སྤངས་ཀྱིས། ཡུལ་འདི་ནས་མྱུར་དུ་ཕྱུང་སྟེ་སོང་ཤིག། རྒྱལ་བུས་རྒྱལ་པོ་ལ་གསོལ་པ། བདག་རྒྱལ་པོ་ཆེན་པོས་བཀའ་སྩལ་པའི་བཀའ་ནི་མི་བཅོག་ན།
302b5 ད་རུ་ང་ཡང་ཞག་བདུན་གྱི་བར་དུ་སྦྱིན་པ་བགྱིས་ཏེ། བདག་གི་བསམས་པ་རྫོགས་ནས་ཡུལ་ནས་ཕྱུང་སྟེ་མཆི་བར་གསོལ་ལོ།། རྒྱལ་པོས་སྨྲས་པ། ཁྱོད་ཀྱི་སྦྱིན
302b6 མ་འོས་པར་བྱས་པས། ངའི་ཡུལ་གྱི་བང་མཛོད་ཀུན་སྟོངས་ཏེ། ངའི་བལ་གླང་རིན་པོ་ཆེ་མེད་པར་བྱས་པས་ཁྱོད་སྤང་བ་ཡིན་ཏེ། དེའི་ཕྱིར་འདུག་ཅིང་ཞག
302b7 བདུན་སྦྱིན་པར་བྱར་མི་གནང་གིས་མྱུར་དུ་སོང་ཤིག་ཅེས་བསྒོའོ།། རྒྱལ་བུས་གསོལ་པ། རྒྱལ་པོ་ཆེན་པོས་བཀའ་ནི་བདག་མི་བཅོག་ཏེ། རྒྱལ་པོའི་བང་མཛེ
302b8 དང་ནོར་དབྱིག་ལ་མི་གསོལ་གྱི། བདག་ཉིད་ཀྱི་ནོར་རྫས་ཀུད་པ་ཙམ་མ་ལུས་པར་བྱིན་ནས་མཆི་བར་གསོལ་པ་དང་། བཙུན་མོ་ཉི་ཁྲི་སྙེད་ཀྱང་རྒྱལ་པོ་གང་ན་བ
iiif viewer powered by OpenSeadragon
