| e-texts navigator |
| Wylie |
302a1 ཁ་ཅིག་གིས་ནི་མགོ་བཅག་པའི་རིགས་སོ།། ཞེས་བློན་པོ་རྣམས་སོ་སོ་ནས་བགྲོས་ཏེ། གསོལ་པའི་ཚིག་རྒྱལ་པོས་ཐོས་ནས།
302a2 རབ་ཏུ་མི་དགའ་ཞིང་མྱ་ངན་གྱིས་ནོན་ཏེ། བློན་པོ་རྣམས་ལ་འདི་སྐད་ཅེས་བསྒོའོ།། ངའི་བུ་འདི་ལེགས་པའི་དོན་ལ་མོས་ཏེ། སྦྱིན་པ་ལ་དགའ་བ་ཡིན་ནོ།། ཇི་ལྟར
302a3 མཐོང་བ་ཙམ་ཞིང་བཟུང་བར་བྱ།། དེའི་ནང་ན་བློན་པོ་ཆེན་པོ་ཅིག་གིས། བློན་པོ་སྔ་མ་རྣམས་ཀྱིས་བགྲོས་པ་མི་རུང་ངོ་ཞེས་བགོས་ནས། འདི་སྐད་ཅེས་གསོལ་ཏོ།།
302a4 རྒྱལ་པོ་ལ་སྲས་གཅིག་པུ་ཞིག་མངའ་བ་ལ་རབ་ཏུ་སྡུག་ཅིང་གཅེས་པས། རྒྱལ་བུ་རྒྱལ་ཚབ་ལགས་ན། དེ་ལ་ཐོ་བ་ཙམ་ཞིག་བཟུང་གདགས་བྱ་བའི་སེམས་བསྐྱེད
302a5 པ་མི་རིགས་ཏེ། བདག་ནི་རྒྱལ་པོའི་སྲས་ལ་བཟུངས་གདགས་བྱ་བར་མི་གསོལ་གྱི། རྒྱལ་བུ་ཡུལ་འདི་ནས་ཕྱུང་སྟེ། ལོ་བཅུ་གཉིས་ཀྱི་བར་དུ་དགོན་པར་སྤངས་ན།
302a6 སྤ་འབབ་ཅིང་ངོ་ཚ་བར་འགྱུར་རོ།། ཞེས་གསོལ་པ་དང་། རྒྱལ་པོས་ཀྱང་བློན་པོ་ཆེན་པོ་དེའི་ཚིག་མཉན་ཏོ།། དེ་ནས་རྒྱལ་པོས་རྒྱལ་བུ་ཚལ་ཏུ་བཀུག་ནས། འདི
302a7 སྐད་ཅེས་སྨྲས་སོ།། ཁྱེད་ངའི་བལ་གྱི་གླང་པོ་ཆེ་དགྲ་ཟླ་ལ་བྱིན་པ་བདེན་ནམ་ཞེས་དྲིས་ན། རྒྱལ་བུས་གསོལ་པ། བདག་གིས་སྩལ་བ་མེད་དོ་ཞེས་གསོལ་ཏོ།།
302a8 རྒྱལ་པོས་སྨྲས་པ། རྒྱལ་བུ་ཁྱོད་ཅིའི་ཕྱིར་ང་ལ་མ་ཞུས་པར་ངའི་བལ་གྱི་གླང་པོ་ཆེ་དགྲ་ཟླ་ལ་བྱིན་ཞེས་དྲིས་པ་དང་། རྒྱལ་བུས་རྒྱལ་པོ་ལ་འདི་སྐད་ཅེས་གསོལ་ཏོ།། །
iiif viewer powered by OpenSeadragon
