| e-texts navigator |
| Wylie |
301b1 ད་ལྟར་ཡབ་རྒྱལ་པོ་བལ་གྱི་གླང་པོ་ཆེ་འདི་འདྲ་བས་ཆབ་སྲིད་ཆེ་བ་ལགས་ཏེ། བལ་གྱི་གླང་པོ་ཆེ་དེ་ནི་བལ་གླང་དྲུག་བཅུ་ཇི་སྙེད་ཀྱི་མཐུ་སྟོབས་དང་ལྡན་པར
301b2 ལགས་ན། རྒྱལ་བུས་དགྲ་ལ་སྩལ་ཏེ། དགྲ་ཟླ་ལ་སྩལ་པས་ཆབ་སྲིད་ཀྱང་སྟོར་ཏེ། མཆིས་ན། ཇི་ལྟར་མཛད་པ་རིགས། འདི་ལྟར་རྒྱལ་བུ་རང་ཉམས་དུ་སྦྱིན
301b3 པ་བྱིན་པས་བང་མཛོད་ཀྱང་སྟོངས་ཤིང་ཡུལ་གྱི་སྲིད་དང་། བཙུན་མོ་དང་། སྲས་ཀྱི་བར་དུ་གཞན་སྦྱིན་པ་བགྱིད་པར་དགོས་སོ་ཞེས་གསོལ་པ་དང་། རྒྱལ་པོས་དེ་སྐད
301b4 སྨྲ་བ་ཐོས་ནས་ལྷག་པར་མི་དགའ་བར་གྱུར་ནས། བློན་པོ་གཞན་ཞིག་བོས་ཏེ། བློན་པོ་དེ་ལ་རྒྱལ་བུས་བལ་གྱི་གླང་པོ་ཆེ་དགྲ་ཟླ་ལ་བྱིན་པ་བདེན་ནམ་ཞེས་དྲིས
301b5 པ་དང་། བློན་པོས་ཀྱང་བྱིན་པ་ཡིན་ནོ་ཞེས་གསོལ་ཏོ།། རྒྱལ་པོས་དེ་སྐད་སྨྲས་པ་དང་། ཐོས་མ་ཐག་ཏུ་ཆེར་སྔངས་ནས་གདན་ཁྲི་ལས་ལྷུང་ནས། མི་དྲན་ཞིང་རྒྱལ
301b6 བར་གྱུར་པ་ལས། ཆུས་གཏོར་ནས་རིང་ཞིག་ལོན་པ་དང་ཕྱིར་སངས་པར་གྱུར། བཙུན་མོ་ཉི་ཁྲི་སྙེད་ཀྱང་ཐམས་ཅད་མྱ་ངན་གྱི་ནོན་པར་གྱུར་ཏོ།། དེ་ནས་རྒྱལ་པོ
301b7 དང་བློན་པ་རྣམས་འདུས་ནས། ང་རྒྱལ་བུ་འདི་ལ་ཇི་ལྟར་བྱ་ཞེས་བགྲོས་པ་དང་། དེའི་ནང་ན་བློན་པོ་ཅིག་གིས་ནི་བལ་གྱི་ལྷས་སུ་སོང་བས་ནི། རྐང་པ་བཅག
301b8 པའི་རིགས། བལ་གླང་བཟུང་བ་ནི་ལག་པ་བཅག་པའི་རིགས། མིག་གིས་བལ་གླང་ལ་བལྟས་པས་ནི་མིག་དབྱུང་བའི་རིགས། ཞེས་གསོལ་པ་དང་།
iiif viewer powered by OpenSeadragon
