| e-texts navigator |
| Wylie |
300b1 པ་མེད་དེ་ཀུན་གྱི་བརྗོད་པ་ཡང་བརྫུན་མ་ཡིན་ལ། ད་ལྟར་སྲས་སུ་གྱུར་པས་ན། ལྷ་ནི་ཅི་སྒྲ་ཡང་བརྫུན་པ་མ་ཡིན་ཏེ། ང་རྒྱལ་བུས་སྦྱིན་པ་མ་མཛད་ན། བདག་ཅག་གི་ཡིད
300b2 དང་འགལ་བར་མཛད་དམ། བདག་ཅག་ནི་རྒྱལ་བུ་ལ་མེ་ཏོག་པདྨའི་སྟེང་དུ་འགྲོ་བ་བལ་གྱི་གླང་པོ་ཆེ་སློང་དུ་འོངས་སོ།། ཞེས་སྨྲས་པ་དང་། རྒྱལ་བུས་དེ་དག་བལ་གླང
300b3 གི་ལྷས་སུ་ཁྲིད་དེ།། བལ་གླང་གཞན་ཞིག་བྱིན་ནོ།། བྲམ་ཟེ་རྒད་པོས་སྨྲས་པ། བདག་ཅག་ནི་པདྨའི་སྟེང་ན་འགྲོ་བའི་བལ་གྱི་གླང་པོ་ཆེ་སུ་ད་ཡན་འདོད་དོ།། རྒྱལ
300b4 བུས་སྨྲས་པ། བལ་གླང་གི་གླང་པོ་ཆེ་འདི་ནི་བདྲག་གི་ཡབ་རྒྱལ་པོ་ལ་གཅེས་ཤིང་སྣང་བ་ཡིན་ན། བལ་གླང་འདི་དང་བདག་ཏུ་ཐ་མི་དད་པར་དགོས་པས་ཁྱོད
300b5 ལ་སྦྱིན་དུ་མི་རུང་ངོ་།། གལ་ཏེ་བདག་གིས་ཁྱེད་ལ་བྱིན་ན། རྒྱལ་པོའི་དགོངས་དང་འགལ་བས་གལ་ཏེ། བལ་གླང་འདིའི་རྐྱེན་གྱིས་བདག་ཡུལ་འདི་ན་སྐྲོད་པར་འགྱུར།
300b6 རོ། ཞེས་སྨྲས་ནས། རྒྱལ་བུས་ཡང་འདི་སྙམ་དུ། བསམས་སོ།། བདག་སྔོན་དམ་བཅས་ཕ་རོལ་ཏུ་ཅི་སློང་ཡང་ཡིད་དང་མི་འགལ་བར་བྱའོ།། ཞེས་དམ
300b7 བཅས་ནས། ད་བདག་གིས་སྔར་བསམས་པ་ལས་ཟློག་སྟེ་སྦྱིན་པ་འདི་བྱིན་ན། ཇི་ལྟར་ཡང་བླ་ན་མེད་པ་མཉམ་སྙོམ་པའི་སྦྱིན་པའི་ཕ་རོལ་ཏུ་ཕྱིན་པ་རྫོགས་པར
300b8 འགྱུར། གལ་ཏེ་སྦྱིན་པ་འདི་མ་བྱིན་ན་བླ་ན་མེད་མཱཉམ་སྙོམས་པའི་སེམས་སུ་མི་འགྱུར་རོ།། སྙམས་བསམས་ནས། རྒྱལ་བུས་འདི་སྐད་ཅེས་སྨྲས་སོ།། ཤི
iiif viewer powered by OpenSeadragon
