| e-texts navigator |
| Wylie |
300a1 གལ་ཏེ་ཁྱོད་ཀྱིས་བན་གླང་དེ་ཁྲུགས་དེ་འོངས་ན། བྱ་དགའ་ཆེར་སྦྱིན་ནོ་ཞེས་གཙིགས་བྱས་སོ།། །། དེ་ནས་བྲམ་ཟེ་རྒད་པོ་འཁར
300a2 བ་ཐོགས་ཏེ། ལ་ལུང་བགྲོད་ནས། ཡུལ་ཡ་བ་གང་ན་བ་དེར་སོང་ངོ་།། དེར་ཕྱིན་ནས་རྒྱལ་པོའི་སྒོར་མཁར་བ་ལ་སྐོམ་ཚུགས་སུ་བཅས་ཏེ། རྐང་པ་གཅིག་གི་འགྲེང་ཞིང
300a3 སྡོད་དོ།། དེ་ནས་རྒྱལ་པོའི་སྒོ་བསྲུངས་པ་ཕོ་བྲང་གི་ནང་དུ་སོང་ནས། ཕྱི་རོལ་ན་བྲམ་ཟེ་དག་ཅིག་ལྷགས་ཏེ། འཁར་བ་ལ་སྐོམ་ཚུགས་བཅས་ནས། རྐང་པ་ཡ་ཅིག
300a4 གི་འགྲེང་ཞིང་སྡོད་དོ།། བདག་ཅག་གི་ལམ་རིང་པོ་ནས་ཆེད་དུ་འདིར་སློང་དུ་འོངས་སོ་ཞེས་མཆིའོ།། རྒྱལ་བུས་དེ་སྐད་ཅེས་སྨྲས་པ་ཐོས་ནས། རབ་ཏུ་དགའ་སྟེ། མོད
300a5 ལ་ཕྱི་རོལ་ཏུ་བྱུང་ནས་བསུས་ཏེ་ཕྱག་བྱས་སོ།། བྲམ་ཟེ་རྒད་པོས་སྨྲས་པ། དཔེར་ན་ཕ་དང་བུ་ཕྲད་པ་ཙམ་ཏུ་ཕན་ཚུན་གཅིག་ལ་ཅིག་གིས་སྤྲོས་པའི་ཚིག་གིས་ཁྱེད
300a6 གང་ཕྱོགས་ནས་འོངས་ལམ་དུ་ཉོན་མོངས་སམ། ཅི་འདོད་ཅི་སློང་ན་རྐང་པ་ཡ་ཅིག་གིས་འགྲོ་ཞེས་དྲིས་སོ།། བདག་ཅག་ནི་རྒྱལ་བུ་སྦྱིན་པ་བྱིན་པ་ལ་རབ་ཏུ་བདག་པས
300a7 ཕ་རོལ་པོ་ཅི་སློང་ཡང་ཡིད་དང་མི་འགལ་བར་མཛད་དོ་ཞེས་རྒྱལ་བུའི་ཡོན་ཏན་ཕྱོགས་འཚམས་བརྒྱད་དང་། ཡར་ནི་སྟེང་གི་གནམ་ལ་ཐུག། མར་ནི་སའི་མཐིལ་ལ
300a8 ཐུག་པ་ཡན་ཆད་གྲགས་པས་ན། ཁྱོད་ཀྱི་སྦྱིན་པའི་ཡོན་ཏན་ནི་བསམ་གྱིས་མི་ཁྱབ་ཏེ། ཉེ་རིང་ཐམས་ཅད་ཀྱི་བསྟོད་ཅིང་བསྔགས་པས། གང་ཡང་མ་ཐོས་པའམ་ཤེས
iiif viewer powered by OpenSeadragon
