| e-texts navigator |
| Wylie |
299b1 བརྒྱ། ཁ་ཅིག་ནི་དཔག་ཚད་སྟོང་། ཁ་ཅིག་ནི་དཔག་ཚད་ཁྲིའི་ཕ་རོལ་ནས་ལྷགས་ནས། ཁ་ཟས་དང་སྐོམ་འདོད་པ་ལ་ནི་ཁ་ཟས་དང་སྐོམས་བྱིན་གང་གོས
299b2 དང་། བགོ་བ་འདོད་པ་ལ་ནི་གོས་དང་བགོ་བ་བྱིན། གང་གསེར་དང་དངུལ་དང་། རིན་པོ་ཆེ་འདོད་པ་ལ་ཡང་ཇི་ལྟར་འདོད་པ་བཞིན་ཡིད་དང་མི་འགལ་བར་གྲང
299b3 ཡང་མ་བཏང་བ་མེད་དོ།། །། དེའི་ཚེ་དེའི་དུས་ན་དགྲ་ལྔར་གྱུར་པའི་རྒྱལ་ཁམས་ཅིག་ཡོད་པ་དེས། རྒྱལ་བུ་སྦྱིན་པ་བྱིན་པ་ལ་དགའ་བས། ཕ་རོལ་པོའི་ཡིད
299b4 བཞིན་ཡིད་དང་མི་འགལ་བར་ཡོངས་སུ་གཏོང་ངོ་ཞེས་ཐོས་ནས། བློན་པོ་རྣམས་དང་མཁས་པ་བློ་དང་ལྡན་པ་ཀུན་ལ་སོགས་པ་བསྡུས་ཏེ། འདི་སྐད་ཅེས
299b5 བགྲོས་སོ་ཡུལ་ཡ་བའི་རྒྱལ་པོ་ལ་བལ་གྱི་གླང་པོ་ཆེ་པད་མོའི་སྟེང་ནས་འགྲོ་བ་སུ་ད་ཡ་ན་ཞེས་བྱ་བ་སྟོབས་དང་རྩལ་དུ་ལྡན་པ་ཞིག་དེ་དག་ནམ་དགྲ་ཟླའི་རྒྱལ
299b6 ཁམས་གཞན་དང་འཐབ་པའི་ཚེ། བལ་གྱི་གླང་པོ་ཆེ་དེས་རྟག་ཏུ་རྒྱལ་བར་གྱུར་པས་ན། ཁྱེད་ལས་སུ་ཞིག་དེར་སོང་སྟེ། སློང་བར་ནུས་ཤེས་བགྲོས་ནས།
299b7 བློན་པོ་ལས་གང་ཡང་འགྲོ་ནུས་པ་མ་བྱུང་ངོ་།། དེའི་ནང་ན་བྲམ་ཟེ་མི་རྒན་གཅིག་གིས་རྒྱལ་པོ་ལ་འདི་སྐད་ཅེས་གསོལ་ཏོ།། བདག་ཅག་གིས་བླང་ཞིང་མཆི་བར
299b8 འཚལ་ན། བདག་ཅག་གིས་འཚོ་བ་དང་རྒྱགས་སྦྱོར་ཅིག་ཅེས་གསོལ་པ་དང་། རྒྱལ་པོས་དེའི་ཚོགས་དང་རྒྱགས་སྦྱར་ནས་བྲམ་ཟེ་ལ་འདི་སྐད་ཅེས་བསྒོའོ།།
iiif viewer powered by OpenSeadragon
