| e-texts navigator |
| Wylie |
299a1 ཕྱིར་ལོག་ནས་ཕོ་བྲང་དུ་ཞུགས་ཏེ། མྱ་ངན་ཆེན་པོས་ནོན་ནས་མི་དགའ་ཞིང་འདུག་པ་དང་། ཡབ་རྒྱལ་པོས་སྲས་རྒྱལ་བུ་ལ་འདི་སྐད
299a2 ཅེས་བགོའོ།། རྩེ་ཞིང་ལྟད་མོ་བལྟར་བཏང་ན། ཅིའི་ཕྱིར་མི་དགའ་ཞིང་མྱ་ངན་བྱེད་པར་གྱུར་ཅེས་དྲིས་པ་དང་། རྒྱལ་བུས་ཡབ་རྒྱལ་པོ་ལ་འདི་སྐད་ཅེས་གསོལ
299a3 ཏོ།། བདག་བརྩེ་ཞིང་ལྟད་མོ་ལྟར་མཆིས་པ་ལས་སློངས་མོ་པ་འོན་པ་ལོང་བ་ལྐུགས་པ་མང་པོ་དང་མཇལ་བས། མྱ་ངན་གྱིས་ནོན་པར་གྱུར་ཏེ། ད་ཡབ་རྒྱལ་པོ་ལ
299a4 གསོལ་པ་རྣམ་པ་ཅིག་ཅིག་གསོལ་ན། རྒྱལ་པོས་གནང་ངམ་ཡབ་རྒྱལ་པོས་ཁྱོད་ཅི་དང་ཅི་འདོད་པ་སྨྲོས་ཤིག་དང་། གནང་བར་བྱ་ཞེས་བསྒོ་བ་དང་། རྒྱལ་བུས་ཡབ
299a5 རྒྱལ་པོ་ལ་འདི་སྐད་ཅེས་གསོལ་ཏོ།། བདག་ནི་ཡབ་རྒྱལ་པོ་མངའ་བའི་བང་མཛོད་རིན་པོ་ཆེ་མཆིས་པ་རྣམས་གྲོང་ཁྱེར་གྱི་སྒོ་བཞི་དང་། ཚོང་འདུས་སུ་སྦྱངས་ཏེ། སློང
299a6 བ་ཐམས་ཅད་ལ་ཡིད་དང་། མི་འགལ་བར་སྦྱིན་པ་བགྱིད་པར་འཚལ་ལོ་ཞེས་གསོལ་པ་དང་། ཡབ་རྒྱལ་པོས་སྲས་རྒྱལ་བུ་ལ་ཅི་དང་ཅི་དགའ་བ་ཡིད་དང་མི་འགལ
299a7 བར་གནང་ངོ་ཞེས་བསྒོའོ།། དེ་ནས་རྒྱལ་བུས་བློན་པོ་ལ་བསྒོ་ནས། ནོར་དབྱིག་རིན་པོ་ཆེ་རྣམས་ཤིང་རྟས་བསྐྱས་ཏེ། གྲོང་ཁྱེར་གྱི་སྒོ་བཞི་དང་། ཚོང་འདུས་སུ
299a8 སྤུངས་ནས། ཕ་རོལ་པོ་འདོད་པ་བཞིན་དུ་སྦྱིན་པ་བྱིན་པ་དང་། ཡུལ་ཁམས་ཕྱོགས་ཀུན་ཏུ་རྒྱལ་བུའི་ཡོན་ཏན་གྲགས་པར་གྱུར་པས། ཁ་ཅིག་ནི་དཔག་ཚད
iiif viewer powered by OpenSeadragon
