| e-texts navigator |
| Wylie |
122a1 མོ་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ་བ་དེས་དེ་བཞི།
122a2 གཤེགས་པ་ཚངས་པའི་སྒྲ་སྐད་སྦགས་པའི་དབྱངས་སུ་འགྱུར་རོ།། ཀླུའི་བདག་པོ་ཚིག་འཁྱལ་པ་སྤངས་པའི་སྐྱེས་བུ་གང་ཟག་ནི་ཅིག་ཏུ་ངེས་པ་གསུམ་ཐོབ་པོ།། གསུམ
122a3 གང་ཞེ་ན་འདི་ལྟ་སྟེ། ཚིག་རན་པས་མཁས་པ་རྣམས་ཅིག་ཏུ་ངེས་པར་དགའ་བ་དང་། ལན་ལེགས་པར་ལྡོན་པས་གཅིག་ཏུ་ངེས་པ་དེའི་བློ་བདེན་པ་ལ་འགྲོ་བ་དང་། བཅོས་མ
122a4 མ་ཡིན་པར་མཛའ་བས་གཅིག་ཏུ་ངེས་པར་ལྷ་དང་མིའི་ཆེ་བ་ཉིད་ཐོབ་པ་ཡིན་ཏེ། ཀླུའི་བདག་པོ་ཚིག་འཁྱལ་པ་སྤངས་པའི་སྐྱེས་བུ་གང་ཟག་ནི། གཅིག་ཏུ་ངེས་པ་གསུམ་པོ
122a5 དེ་དག་ཐོབ་པོ།། ཚིག་འཁྱལ་པ་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ་བ་དེས་མི་ཕྱེད་པར་ལུང
122a6 སྟོན་ཅིང་གཞན་དུ་མི་གསུང་བའི་དེ་བཞིན་གཤེགས་པར་འགྱུར་རོ།། ཀླུའི་བདག་པོ་བརྣབ་སེམས་སྤངས་པའི་སྐྱེས་བུ་གང་ཟག་ནི་དབང་པོ་ལྔ་ཐོབ་པོ།། ལྔ་གང་ཞེ་ན་འདི་ལྟ
122a7 སྟེ། དབང་པོ་མ་ཚང་བ་མེད་པས་ལུས་དང་། ངག་དང་སེམས་ལ་དབང་བ་ཐོབ་པ་དང་། དགྲ་བཅོམ་པ་ཐམས་ཅད་ཀྱི་མི་རྫི་བས་ལོངས་སྤྱོད་པ་དང་། དབང་ཕྱུག་ལ་དབང་བ
122a8 རྒྱ་ཆེན་པོ་ཐོབ་པ་དང་། བསོད་ནམས་ཀྱི་དབང་གིས་དེའི་སེམས་ལོངས་སྤྱོད་པ་དང་། ཡོངས་སུ་སྤྱོད་པ་རྒྱ་ཆེན་པོ་ཐམས་ཅད་ལ་འགྲོ་བ་དང་། དགབ་པ་མཆོག་ཐོབ་པས
iiif viewer powered by OpenSeadragon
