| e-texts navigator |
| Wylie |
120a1 སེམས་ཅན་ཐམས་ཅད་ལ་བྱམས་པར་མི་དམིགས་པ་ལ་གནས་པ་ཡིན་ནོ།། དེའི་ཞེ་སྡང་གི་བག་ཆགས་ཡང་དག་པར་ཆད་པ་ཡིན་ནོ།།
120a2 དེས་ནང་ཉུང་བར་འགྱུར་བའི་བསྒྲུབ་པ་ཡོངས་སུ་བཟུང་བ་ཡིན་ནོ།། དེས་ཚེ་རིང་བའི་ས་བོན་བཏབ་པ་ཡིན་ནོ།། དེ་ལ་མི་མ་ཡིན་པ་རྣམས་བསྲུང་བ་དང་། བསྐྱབ་པ་དང་།
120a3 སྦེད་པར་བྱེད་དོ།། བདེ་བར་ཉལ་ཞིང་བདེ་བར་སད་པ་དང་། སྡིག་པའི་རྨི་ལམ་མཐོང་བ་ཡིན་ནོ།། དེ་ལ་ཉལ་བ་ན་ཡང་ལྷ་རྣམས་བསྲུང་བར་བྱེད་དོ།། དེ་ལ་ཤར་གཉེར
120a4 བ་མེད་པ་ཡིན་ཏེ། དེ་ལ་ཤར་གཉེར་བའི་བག་ལ་ཉལ་བ་མེད་པ་ཡིན་ནོ།། ངན་འགྲོ་ཐམས་ཅད་ཀྱིས་མི་འཇིགས་པ་དང་། ཤི་འཕོས་ནས་ཀྱང་བདེ་འགྲོ་མཐོ་རིས་ཀྱི
120a5 འཇིག་རྟེན་གྱི་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། ཀླུའི་བདག་པོ་སྲོག་གཅོད་པ་སྤངས་པའི་སྐྱེས་བུ་གང་ཟག་ནི་རབ་ཏུ་ཞི་བར་བྱེད་པའི་ཆོས་བཅུ་པོ་དེ་དག་ཐོབ་པོ།། སྲོག
120a6 གཅོད་པ་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་ཡོངས་སུ་བསྔོ་ན། དེ་དགེ་བའི་རྩ་བ་དེས་བྱང་ཆུབ་ཐོབ་པ་ན། སེམས
120a7 ཀྱི་དབང་གིས་ཚེ་ཚད་མེད་པར་འགྱུར་རོ།། ཀླུའི་བདག་པོ་མ་བྱིན་པ་ལེན་པ་སྤངས་པའི་སྐྱེས་བུ་གང་ཟག་ནི་ཡིད་རྟེན་པའི་ཆོས་བཅུ་ཐོབ་པོ།། བཅུ་གང་ཞེ་ན་འདི་ལྟ་སྟེ། ལོངས
120a8 སྤྱོད་ཆེ་ཞིང་དེའི་ལོངས་སྤྱོད་དེ་དག་རྒྱལ་པོ་དང་། རྐུན་པོ་དང་། མེ་དང་ཆུ་དང་། མི་མཛའ་བ་དང་། ཉེ་མཚམས་ཀྱིས་མི་འཕྲོགས་པ་ཡིན་ནོ།། སྐྱེ་བོ་མང་པོའི་ཡིད་དུའོ།
iiif viewer powered by OpenSeadragon
