| e-texts navigator |
| Wylie |
112b1 སམ། བཀའ་སྩལ་པ་རིགས་ཀྱི་བུ་ཁྱོད་ལྟར་སྒྲུབ་ན། ངའི་བྱང་ཆུབ་འཛིན་པ་ཡང་དག་པ་ཡིན་ནོ།། བྱང་ཆུབ་སེམས་དཔའ་ཐབ་མེད་ཀྱིས་གསོལ་པ། བཅོམ
112b2 ལྡན་འདས་བདག་གིས་སོ་སོའི་ཆོས་ཀྱང་མ་མཐོང་། སློབ་པའི་ཆོས་དང་མི་སློབ་པའི་ཆོས་དང་། རང་སངས་རྒྱས་དང་། བྱང་ཆུབ་སེམས་དཔའི་ཆོས་དང་། སངས་རྒྱས
112b3 ཀྱི་ཆོས་རྣམས་ཀྱང་མ་མཐོང་ན། ཅི་བདག་དེ་བཞིན་གཤེགས་པའི་བྱང་ཆུབ་འཛིན་པ་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། བྱང་ཆུབ་སས
112b4 དཔའི་ཆོས་ཐམས་ཅད་ལ་ཁས་ཆེ་བ་མེད་པར་ཤིན་ཏུ་གནས་པར་གསོལ་པ། བཅོམ་ལྡན་འདས་བདག་གི་ཆོས་ཀྱི་རང་བཞིན་ཅི་ཡང་མ་འཚལ་ཞིང་མི་འཛིན་ན། ཅི་བདག་དམ
112b5 པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ་དེ་དེ་བཞིན་ནོ།། བྱང་ཆུབ་སེམས་དཔའ་མིག་མི་འཛུམ་གྱིས་གསོལ་པ། བཅོམ་ལྡན་འདས་བདག་མིག་གི
112b6 མི་ལྟ། སེམས་ཀྱིས་མི་གཏོང་། དྲན་པ་མི་སྐྱེད་ན་ཅི་བདག་དམ་པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། བྱང་ཆུབ་སེམས་དཔའ
112b7 རྗོད་དུ་མེད་པས་གསོལ་པ། བཅོམ་ལྡན་འདས་བདག་ཆོས་ཀྱང་མི་སྟོན། ཆོས་མ་ལགས་པ་ཡང་མི་སྟོན། བདག་ལ་ཆོས་ཀྱི་སྒྲ་ཡང་མི་འབྱུང་། ཆོས་ཀྱི་འདུ་ཤེས་ལ་ཡང་།
112b8 རྟོག་པར་མི་བགྱིད་ན། ཅི་བདག་དམ་པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། བྱང་ཆུབ་སེམས་དཔའ་མིང་མེད་ཀྱིས་གསོལ་པ། བཅོམ
iiif viewer powered by OpenSeadragon
