| e-texts navigator |
| Wylie |
158b1 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་སྤོང་བྱེད་ན་ལྗོངས་རྒྱུ་ཞིང་གཤེགས་པ་དང་། གྲོང་ཁྱེར་སྤྱིལ་བུ་ཅན་དུ་བྱོན་ཏོ།། གྲོཔ་སྤྱིལ་བུ་ཅན་གྱི
158b2 གྲོང་གི་བྱང་ཕྱོགས་ཀྱི་ཤིང་ཤ་བའི་ཚལ་ན། དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ
158b3 སྩལ་པ། དགེ་སློང་དག་འདི་དག་ཚུལ་ཁྲིམས་སོ།། འདི་ནི་ཏིང་ངེ་འཛིན་ཡིན་ནོ།། འདི་ནི་ཤེས་རབ་ཡིན་ནོ།། དགེ་སློང་དག་ཚུལ་ཁྲིམས་གོམ་པར་བྱས་ན།
158b4 ཏིང་ངེ་འཛིན་ལ་ཡུན་རིང་དུ་གནས་པར་འགྱུར་རོ།། ཏིང་ངེ་འཛིན་ལ་གོམས་པར་བྱས་ན། ཤེས་རབ་འཐོབ་པར་འགྱུར་རོ།། ཤེས་རབ་ལ་གོམས་པར་བྱས་ན།
158b5 འདི་ལྟ་སྟེ། འདོད་ཆགས་དང་། ཞེ་སྡང་དང་། གཏི་མུག་དག་ལས་སེམས་ཡང་དག་པར་ཁོ་ནར་རྣམ་པར་གྲོལ་བར་འགྱུར་རོ།། དེ་ལྟར་ཡང་དག་པ་ཁོ་ནར་རྣམ
158b6 པར་གྲོལ་བའི་འཕགས་པ་ཉན་ཐོས་ཀྱིས་ནི། བདག་གི་ཟག་པ་ནི་ཟད་དོ།། ཚངས་པར་སྤྱོད་པ་ནི་སྟོན་ཏོ།། བྱ་བ་ནི་བྱས་སོ།། འདི་ལས་སྲིད་པ་གཞན་མི
158b7 ཤེས་སོ།། ཞེས་ཡང་དག་པ་ཁོ་ནར་ཤེས་པར་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡིད་རངས་ཏེ་བཅོམ་ལྡན་འདས
158b8 ཀྱིས་གསུངས་པ་ལ་མངོན་པར་བསྟོད་དོ།། བསླབ་པ་གསུམ་གྱི་མདོ་རྫོགས་སྷོ།། དཀྲ་ཤིས། དག་པོ།
iiif viewer powered by OpenSeadragon
