| e-texts navigator |
| Wylie |
157b1 རྟག་པར་སྨྲ་བ་དག་མཐོང་བའི་ཆོས་ལ། བདག་དང་འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི། གཞི་བཞི་པོ་དག་ལ་སྟེ། དེ་ཡང་རེག
157b2 པའི་རྐྱེན་ལས་བྱུང་བར་སྲིད་ཀྱི་རེག་པ་ལས་བྱུང་བ་ལས་གཞན་པའི་ཚོར་བར་འགྱུར་བ་འདི་ནི་གནས་མེད་དོ།། ཕྱི་མའི་མཐའ་ལ་རྟོག་ཅིང་ཞེས་བྱ་བ་ནི་མཐོང་བའི
157b3 ཆོས་ལ་མྱ་ངན་ལས་འདས་པར་སྨྲ་བ་དག་མཐོང་བའི་ཆོས་ལ། མྱ་ངན་ལས་འདས་པར་མངོན་པར་སྨྲ་ཞིང་པར་བརྗོད་པ་འདི་ལྟ་སྟེ། གཞི་ལྔ་པོ་དག་ལའོ།།
157b4 ཞེས་བྱ་བའི་བར་དུའོ།། དེ་ཡང་རེག་པའི་རྐྱེན་ལས་བྱུང་བར་སྲིད་ཀྱི་རེག་པ་ལས་བྱུང་བ་ལས་གཞན་པའི་ཚོར་བར་གྱུར་པ་འདི་ནི་གནས་མེད་དོ།། དགེ་སློང
157b5 གིས་གང་ཚུར་ཆད་རེག་པའི་སྐྱེ་མཆེད་དྲུག་པོ་དག་ནི་ཀུན་འབྱུང་བ་ནུབ་པ་དང་། རོ་མྱང་བ་དང་། ཉེས་དམིགས་ཡང་དག་པ་ཇི་ལྟ་བ་བཞིན་ཁོང་དུ་ཆུད་པ་འདི་ནི་འདི
157b6 ལྟར་ལྷག་པར་ཡང་དག་པ་ཇི་ལྟ་བ་བཞིན་ཁོང་དུ་ཆུད་པ་ཡིན་ནོ།། དགེ་སློང་དག་དེ་ལ་གང་ཟག་པ་ཀུན་ནས་ཉོན་མོངས་པ་ཅན། ཡང་སྲིད་པ་པ། རིམས་ནད་དང
157b7 བཅས་པ། སྡུག་བསྔལ་རྣམ་པར་སྨིན་པ། ཚེ་ཕྱི་མ་ལ་རྒ་ཤིའི་རྗེས་སུ་འཐུན་པ་དེ་དག་དེ་བཞིན་གཤེགས་པས་སྤངས་ཤིང་ཡོངས་སུ་མཁྱེན་ལ། ཤིང་ཏྲ་ལའི
157b8 མགོ་བཞིན་རྩ་བ་ནས་བཅད་དེ་འགྲོ་བ་སྣང་བ་མེད་པ་སྟེ། ཕྱི་མ་ལ་མི་སྐྱེ་བའི་ཆོས་ཅན་དུ་འགྱུར་རོ།། ཆོས་ཀྱི་རྣམ་གྲངས་འདི་བཤད་པ་ན། སྟོང་གསུམ་གྱི
iiif viewer powered by OpenSeadragon
