| e-texts navigator |
| Wylie |
98a1 ཤིན་ཏུ་ལེགས་སོ་མིའི་རྒྱལ། ཏིང་འཛིན་ལས་བཞེངས་སུ་གསོལ། ཤིན་དུ་ལེགས་སོ་ཀླུའི་རྒྱལ། བདུད་རྩིའི་འཆར་པ་དབབ་དུ་གསོལ།
98a2 ཤིན་དུ་ལེགས་སོ་ལྷའི་མཆོག། མྱུར་དུ་ཆོས་རྣམས་སྟན་དུ་གསོལ། ཤིན་དུ་ལེགས་སོ་སེམས་ཅན་ལ། ཐེག་པ་ཅིག་དོན་སྟན་དུ་གསོལ། དེ་ནས་བཅོམ་ལྡན་འདས་ཏིང
98a3 ངེ་འཛིན་དེ་ལས་བཞེངས་ཏེ། འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ།། ང་ལ་རིན་པོ་ཆེ་བླ་ན་མེད་པའི་ཡེ་ཤེས་མང་དུ་ཡོད་པ། ཁྱེད་ལ་འཕེན་པ་དང་། བདེ་བར
98a4 མཛད་ཅིང་། དབུལ་ཕོངས་པ་དང་བྲལ་བར་བྱ་བ་ཡོད་ཀྱིས། ཐེ་ཚོམ་མ་བྱེད་པར་ཅི་དང་ཅི་འདོད་པ་དྲིས་ཤིག་དང་། དེ་ནས་དགའོ་སྟན་ལས་ལངས་ཏེ། སངས་རྒྱས་ལ་འདི་སྐད
98a5 ཅེས་གསོལ་ཏོ།། བཅོམ་ལྡན་འདས་བདག་གི་ནི་མང་དུ་ཐོས་པས། བླ་ན་མེད་པའི་བྱང་ཆུབ་མྱུར་དུ་ཐོབ་སྙམ་ན། མདོ་སྡེ་དག་ལས་བཤད་པ་ཐོས་པ་ལྟར། མང་དུ་ཐོས
98a6 ཤིང་ཤེས་རབ་རྣོ་བའི་དབང་པོ་དང་ལྡན་པ་ནི། བྱང་ཆུབ་ཐོབ་པ་ཤིན་ཏུ་བཀའ་ཏེ། དགྱེགས་བརྒྱད་དུ་སྐྱེའོ་ཞེས་འབྱུང་ན། བདག་གི་ཇི་ལྟར་བླ་ན་མེད་པའི་བྱང་ཆུབ་ཐོབ་པར
98a7 འགྱུར། བཅོམ་ལྡན་འདས་ཀྱི་དགའོ་ལ་བཀའ་སྩལ་པ། དགའོ་མང་དུ་ཐོས་པ་ལ་སེམས་རྣམ་པ་གཉིས་ཏེ། གང་ཞེས་ན། ཏིང་ངེ་འཛིན་གྱི་སེམས་དང་། འཁྲུལ་པའི
98a8 སེམས་སོ།། སེམས་ཏིང་ངེ་འཛིན་ལ་གནས་ན་ནི་མང་དུ་ཐོས་དང་གཅོད་པ་མེད་དོ།། སེམས་འཁྲུལ་པ་ལ་གནས་ན་ནི་མང་དུ་ཐོས་དང་ཕན་པ་མེད་དོ།། གང་གིས་ཏིང་ངེ།
iiif viewer powered by OpenSeadragon
