| e-texts navigator |
| Wylie |
211b1 མཆོག་ལྡན་རིན་ཆེན་མཛོད་མང་ལྡན།། འགྲོའི་ཚོགས་རྣམས་ཀྱང་ནི་ཐུབ་པར་འགྱུར།། རྒྱལ་བའི་མཆོད་རྟེན་སྲོག་ཤིང་ཕུལ་བ་ཡིས།། ཆོས་ཀྱི་རྗེས་འཐུན་ཆོས་ལ
211b2 སྒྲུབ་པ་དང་།། ཚུལ་ཁྲིམས་ཐོས་དང་བཟོད་པའི་མཆོག་དང་ལྡན།། འཇིག་རྟེན་དག་ན་དོན་ཀུན་གྲུབ་པར་འགྱུར།། མཆོད་རྟེན་ལ་གདུགས་བརྩེགས་ཕུལ་བ་ཡིས།།
211b3 ལྷ་དང་མིའི་ནང་དུ་སྐྱེ་བ་དང་།། སྲིད་མེད་བུའི་ལུས་འདུལ་ལུས་ཀུན་བརྟན།། བཀུར་སྟི་བྱས་པའི་ཡོན་ཏན་ལྡན་པར་འགྱུར།། ཐུབ་དབང་མཆོད་རྟེན་རྡོ་ཐལ་བྱུགས་པ
211b4 ཡིས།། ལྷ་མི་འཇིག་རྟེན་དག་ན་ཚེ་རིང་ཞིང་།། ལུས་སེམས་ནད་དང་མྱ་ངན་རབ་སྤངས་ཏེ།། རྟག་ཏུ་སྐྱིད་ཅིང་ནོར་གྱིས་ཕྱུག་པར་འགྱུར།། གསེར་དངུལ་སྦ་བའི
211b5 གླེགས་བམ་གཡོགས་པའི།། ཐུབ་པའི་དབང་པོའི་མཆོད་རྟེན་བྱ་བ་ཡིས།། མི་རྣམས་སྲིད་པའི་ཁྱད་པར་གཞན་དག་ཏུ།། ལུས་མཁྲེགས་འོད་ཀྱང་འབར་ཞིང
211b6 མཛེས་པར་འགྱུར།། སུ་དག་ལ་ལ་མཆོད་རྟེན་སྐུ་གཟུགས་ལ།། དང་བའི་སེམས་ཀྱིས་བླ་རེ་འབུལ་བྱེད་པ།། དེ་དག་ས་སྟེང་རྒྱ་མཚོའི་མཐའ་ཀླས་པ།། མ་ལུས།
211b7 གནོད་མེད་རྒྱལ་གཅིག་དབང་བྱེད་འགྱུར།། མཆོད་རྟེན་སྐུ་གཟུགས་དག་ལ་དགའ་བཞིན་དུ།། རྣམ་མང་རྒྱ་ཆེན་གདུགས་ནི་བརྟགས་པ་ཡིས།། ལྷ་མིའི་འཇིག་རྟེན
211b8 དག་ན་གདུགས་འདྲ་བར།། ལྷ་དང་མི་ཡི་དབང་པོ་ལྟ་བུར་འགྱུར།། མི་རྣམས་སུ་དག་སྐུ་གདུང་སྙིང་པོ་ཅན།། དྲི་མེད་བསོད་ནམས་འབྱུང་གནས་གྱུར་པ་ལ།
iiif viewer powered by OpenSeadragon
