| e-texts navigator |
| Wylie |
108a1 གཏམ་སྨྲ་སྟེ། དཔེར་ན་རྩད་པ་མང་པོ་ཀུན་ཏུ་འདུས་པ་དང་འདྲ་བ་དང་། ཕན་ཚུན་དཔུང་དང་སྡེ་ཅིག་ཚིགས་ངན་གྱིས་སྨ་འབེབས
108a2 པ་དང་། བླ་འོག་གི་རིམ་པ་ཡང་མེད་པ་དང་། མི་རྒོད་མ་རུངས་པ་ལྟར། དགེ་བ་བྱེད་པ་ལས་འཕྲོག་རློམས་བྱེད་པ་དང་། ཁྱེ་དང་གྲགས་པ་ལ་ཆགས་ཏེ།
108a3 ཆོག་མ་ཤེས་པར་གྱུར་པའི་ཚེ། མདོ་སྡེ་བཅུ་གཉིས་ཀྱང་ནུབ་པར་གྱུར་ཏེ། ཀློག་པ་དང་འདོན་པ་ཡང་མེད་པ་དང་། དེའི་སློབ་མ་རྣམས་དང་དགྲ་ཆོས་དང་། བཙུག
108a4 ལང་དང་། ཡི་གེ་དང་། རྩེ་བ་དང་། གཞོན་པ་དང་། བོན་ཆོས་དང་། དམིག་མངས་དང་། ཀླུ་གར་དང་། དུ་བ་དང་། སྤྲུགས་པ་དང་། འཕོང་རྩལ་དང་། རྟ་རྒྱུག
108a5 པ་ལ་སོགས་ཆོས་མ་ཡིན་པ་སློབ་ཅིང་སྤྱོད་དེ། དེ་ལྟར་མ་ལེགས་པའི་ཆོས་སྤྱོད་པས། ཚེ་འཕོས་མ་ཐག་ཏུ་ངན་སོང་དུ་ལྟུང་སྟེ། བསྐལ་པ་གྲངས་མེད་པར་ངན་སོང
108a6 གི་སྡུག་བསྔལ་མྱོང་སྟེ། དེ་ལས་ཐར་ནས་ཀྱང་བྱོལ་ཡོངསུ་སྐྱེས་སྟེ། ལྟོགས་པ་དང་། སྐོམ་པ་དང་། སྡུག་བསྔལ་གྱི་ཉེས་པ་དང་། ཁལ་ལྕི་བ་ཀལ་ཞིང་འགྲོ
108a7 བར་འགྱུར་རོ།། ཅི་ཞིག་ན་སྤངས་པའི་ཡོན་ཏན་སློབ་པ་ཡང་ཆོས་མ་ཡིན་པར་མང་དུ་བྱེད་དེ། རི་དང་ཚལ་དང་། དུར་ཁྲོད་དང་། ཤིང་དྲུང་ན་མི་གནས་ཏེ་རྟག
108a8 ཏུ་རྒྱུག་ཞིང་། སེམས་ལ་རྟོག་པ་མང་ཞིང་ཁེ་དང་གྲགས་པ་ཚོལ་ཏེ། ནོར་རྫས་དང་ལོངས་སྤྱོད་ལ་ཆགས་ཞིང་ཆོག་མི་ཤེས་པ་དང་། ཆོས་སྟོན་པའི་བཤད་མཁན
iiif viewer powered by OpenSeadragon
