| e-texts navigator |
| Wylie |
71a1 ཡིད་བཞིན་གྱི་རྒྱལ་པོའི་ཅོད་པན་ཐོགས་པའི་བྱང་ཆུབ་སེམས་དཔའ་རྣམས་ལ་ཡང་ངན་སོང་དང་ངན་འགྲོས་གནོད་པར་བྱ་བའི་འཇིགས་པ་མེད་དོ།།
71a2 རིགས་ཀྱི་བུ་འདི་ལྟ་སྟེ་དཔེར་ན། ཟླ་བ་དང་ཉི་མའི་དཀྱིལ་འཁོར་གྱི་འོད་ཀྱི་ཇི་ཙམ་སྣང་བར་བྱས་པ་དེའི་བར་གྱི་གང་འབྲུ། རིན་པོ་ཆེ་དང་། གསེར་དང་། དངུལ་དང་། མེ་ཏོག
71a3 དང་། དྲི་དང་། ཕྲེང་བ་དང་། བྱུག་པ་དང་། གོས་དང་། ལོངས་སྤྱོད་གང་ཇི་སྙེད་པ་དེ་དག་ཐམས་ཅད་ཀྱི་ནོར་བུ་རིན་པོ་ཆེ་དབང་གི་རྒྱལ་པོའི་རིན་དུ་མི་ཆོག་གོ། དེ་བཞིན་དུ
71a4 ཇི་སྲིད་དུས་གསུམ་ལ་ཐམས་ཅད་མཁྱེན་པའི་ཡེ་ཤེས་ཆོས་ཀྱི་དབྱིངས་ཀྱི་ཡུལ་སྣང་བར་མཛད་པའི་དེ་སྲེད་དུ།། ལྷ་དང་མི་ཐམས་ཅད་དང་ཉན་ཐོས་དང་། རང་སངས་རྒྱས
71a5 ཐམས་ཅད་ཀྱི་དགེ་བའི་རྩ་བ་ཟབ་པ་དང་བཅས་པ་དང་། ཟག་པ་མེད་པ་གང་གི་ཇི་སྙེད་པ་དེ་དག་ཐམས་ཅད་ཀྱིས་ཀྱང་བྱང་ཆུབ་ཏུ་སེམས་བསྐྱེད་པའི་ནོར་བུ་རིན་པོ་ཆེ་དབང
71a6 གི་རྒྱལ་པོ་རིན་དུ་མི་ཆོག་གོ། རིགས་ཀྱི་བུ་འདི་ལྟ་སྟེ་དཔེར་ན། རྒྱ་མཚོ་ཆེན་པོ་དང་། མ་ཧེ་དང་། རའི་འོ་མས་ཡོངས་སུ་གང་བའི་ནང་དུ་སེང་གེའི་འོ་མ་ཐིགས་པ
71a7 གཅིག་དྲུག་པས་འོ་མ་དེ་ཐམས་ཅད་འགྱེས་པར་འགྱུར་ཏེ་འདུས་མ་བཏུབ་བོ།། དེ་བཞིན་དུ་བསྐལ་པ་བརྗོད་དུ་མེད་པ་བརྒྱ་སྟོང་དུ་བསགས་པའི་ལས་དང་། ཉོན
71a8 མོངས་པ་ཀུན་གྱི་འོ་མའི་རྒྱ་མཚོ་ཡང་། དེ་བཞིན་གཤེགས་པ་སྐྱེས་བུའི་སེང་གེ་ཆེན་པོ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་འོ་མའི་ཐིགས་པ་ཅིག་བླུགས
iiif viewer powered by OpenSeadragon
